২ রাজাবলী 16:3 - Chakma Bible

³ তে ইস্রায়েলর রাজাগুনো ধোক্ক্যেন চলিদো; এন্‌ কি, লগেপ্রভু যিদুক্কুন্‌ জাদরে ইস্রায়েলীয়গুনোর মুজুঙেত্তুন্‌ দূর্ গুরি দিয়্যে তারা জঘন্য কামানি ধোক্ক্যেন তেয়ো তা পুয়োবোরে আগুনোত্‌ পড়িনে উৎসর্ব গুরিলো।

২ রাজাবলী 16:3 ပူးပေါင်းရင်းမြစ်များ

১ রাজাবলী 14:24

এন্‌ কি, তারার্‌ দেজত্‌ মরদ্‌ মন্দির-বেশ্যেয়ো এলাক্‌। যে জাত্তুনোরে লগেপ্রভু ইস্রায়েলীয়গুনোর্‌ মুজুঙেত্তুন্‌ দূর্‌ গুরি দিয়্যে তারার্‌ বেক্‌ ঈচ্ গরেদে কামানি যিহূদার মানুচ্চুনে গরা ধুরিলাক্‌।

২ রাজাবলী 17:16

তারা তারার্‌ গোজেন লগেপ্রভুর বেক্‌ উগুমানি ছাড়িনে নিজোত্তে ঢালাই গোজ্যে দ্বিবে গোরু ছঅ মূত্তি আর এক্কো আশেরা-খুদো বানেয়োন। তারা আগাজ তারাগুনোরে পূজো গুরিদাক্‌ আর বাল দেবেদা সেবা গুরিদাক্‌।

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

২ রাজাবলী 17:19

মাত্তর্‌ যিহূদা-গুট্টিবোয়ো তারার্‌ গোজেন লগেপ্রভুর উগুম্‌ মজিম্‌ ন-আদিনে ইস্রায়েলে যিয়েনি গুরিদো তারায়ো সিয়েনি গরা ধুরিলাক্‌।

২ রাজাবলী 21:11

“যিহূদার রাজা মনঃশি এ জঘন্য পাপ্পানি গোজ্যে। তা আগেন্দি যে ইমোরীয়োগুনে এলাক্‌ তারাত্তুন্‌অ বেশ্‌ তে আরঅ বজং কাম্‌ গোজ্যে আর নিজো মূত্তিগুন্দোই যিহূদারে পাপত্ ফেলেয়্যে।

২ রাজাবলী 21:2

লগেপ্রভু ইস্রায়েলীয়গুনো মুজুঙেত্তুন্‌ যিদুক্কুন্‌ জাদরে ধাবেই দিয়্যে তারা ধোক্ক্যেন জঘন্য কাম্‌ গুরিনে মনঃশি লগেপ্রভুর চোগেন্দি যিয়েনি বজং সিয়েনি গুরিদো।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

২ রাজাবলী 21:9

মাত্তর্‌ মানুচ্চুনে সে কধাগান ন-শুনিলাক্‌। মনঃশি তারারে বজং পধেন্দি নেযেল; সেনত্তে যিদুক্কুন্‌ জাদরে লগেপ্রভু ইস্রায়েলীয়গুনো মুজুঙোত্তুন্‌ ভস্ত গুরি দিলো তারাত্তুন্‌অ বেশ্‌ তারা আরঅ বজং কাম্‌ গরা ধুরিলাক্‌।

২ রাজাবলী 23:10

অন্য কনজনে যেনে মোলক দেবেদা নাঙে নিজোর পুয়ো বা ঝিগুনোরে আগুনোত্‌ পুড়িনে উৎসর্ব গুরি ন-পারে সেনত্তে যোশিয় বেন্‌-হিন্নোম কলগর্‌ তোফৎ নাঙে পূজো জাগায়ান্‌ অসিজি গুরি দিলো।

২ রাজাবলী 8:18

আহাবর বংশর মানুচ্চুনো ধোক্ক্যেন্‌ তে ইস্রায়েলর রাজাগুনোর্‌ পধেন্দি আদিদো, কিত্তে তে আহাবর এক্কো ঝি রে লোইয়্যে। লগেপ্রভুর চোগেন্দি যিয়েনি ভান্ন্যেই তে সিয়েনিই গুরিদো।

২ বংশধর 22:3

অহসিয়য়ো আহাবর বংশর মানুচ্চুনোর পধেদি চলিদো, কিত্তে তা মাবো তারে বজং কাম গুরিবাত্তে সল্লা দিদো।

২ বংশধর 33:2

লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ধাবেই দিয়্যে তারা ধোক্ক্যেন জঘন্য কাম্‌ গুরিনে তে লগেপ্রভুর চোগেন্দি যিয়েনি ভান্ন্যেই সিয়েনি গুরিদো।

২ বংশধর 33:6

বিন্‌-হিন্নোম কিজিঙোত্‌ তা পুয়োগুনোরে তে আগুনোত্‌ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্‌, ফু-ফা আর যাদুবিদ্যে বেবহার গুরিনে আর ভূত্‌তুনোর সমাজ্যে অন্‌ আর ভান্ন্যেই আত্মাগুনোর্‌ লগে মিজেন্‌ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্‌ গুরিনে তে তারে অহুজি গুরিলো।

গীতসংহিতা 106:35

বরং সেই জাদ্‌তুনো সমারে তারা নিজে মিজেয়োন্ আর তারার চলাফিরে-বেবহারানি মানি নিলাক্।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 32:35

তারা মোলক দেবেদার নাঙে তারার ঝি-পুয়োগুনোরে উৎসর্ব গুরিবাত্তে বিন্-হিন্নোম কলগত্ বাল দেবেদার নাঙে পূজোর্ অজল্ জাগায়ান বানেয়োন। মুই কনদিন্‌অ সেই উগুমান ন-দুয়োং বা মর্ মনত্অ সিয়েন ন-চমে, তারা এবাবোত্যে দর্‌গরেপারা কামানি গুরিনে যিহূদারে দিইনে পাপ গোরেবাক্।

যিহিষ্কেল 16:21

আরঅ মর্ ঝি-পুয়োগুনোরে কাবিনে তুই মূত্তিগুনো নাঙে তারারে আগুনোত্ পুড়িনে উৎসর্ব গোজ্যস্।

যিহিষ্কেল 16:47

তুই যে তারার্ চালচলন আর জঘন্য অভ্যেস ধোক্ক্যেন চোল্যস্ বানা সিয়েন নয় বরং তর্ বেক আচার-বেবহারে তুই কানক্কণ্ ভিদিরে তারাত্তুন্‌অ বেশ্ আরঅ জঘন্য ওইয়োচ্।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 20:31

এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

মীখা 6:7

লগেপ্রভু কি আজার্ আজার্ ভেড়া বা দশ আজার গাঙ্ ভরা জলপাই তেল্লোই হুজি অবে? মর্ অন্যেয়ত্তে কি মুই মর্ পত্তম পুয়োবো, মর্ পাপত্তে মঅ কিয়্যের্ ফল উৎসর্ব গুরিম?

দ্বি’লম্বর বিররণ 12:31

তুমি তমার গোজেন লগেপ্রভুর উবোসনা তারার্‌ পূজো ধোক্কেন্‌ গুরিনে ন-গুরিবা, কিত্যে তারার্‌ দেব-দেবেদা পূজোলোই তারা এধোক্ক্যেন জঘন্য কাম্‌ গোজ্যন্‌ যিয়েনি লগেপ্রভু ঘিনেই। এন্‌ কি, তারা তারার দেব-দেবেদাগুনো ইদু তারার ঝি-পূঅগুনোরে আগুনোত্‌ পুরিনে উৎসর্ব গোজ্যন্‌।

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,