২ রাজাবলী 16:10 - Chakma Bible

¹⁰ সেক্কে রাজা আহসে দামেস্কত্‌ আসিরিয়ার রাজা তিগ্লৎ-পিলেষরর লগে দেগা গুরিবাত্তে গেলঅ। তে সিদুগোর্‌ ডালি পূজোবো দেগিনে তা আরুক্কো আর সিবে বানেবার গদা সল্লাগান্ ধর্মগুরু ঊরিয়োর ইদু পাধেই দিলো।

২ রাজাবলী 16:10 ပူးပေါင်းရင်းမြစ်များ

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 16:11

দামেস্কত্তুন্‌ রাজা আহসর পাদেয়্যে বেক্‌ সল্লাগানি ধোক্ক্যেন ধর্মগুরু ঊরিয় এক্কো ডালিপূজো বানেল আর রাজা আহসে ফিরি এজানার্‌ আগেন্দি সিয়েন্‌ থুম্‌ গুরিলো।

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যাত্রা 39:43

মোশি তারার্‌ বেক্‌ কামানি দেগিনেই বুঝিলোদে, লগেপ্রভুর উগুম মজিম্‌ বেক্‌ কামানি গরা ওইয়্যে। সেক্কে মোশি ইস্রায়েলীয়গুনোরে আশিদ্‌বাদ গুরিলো।

যিশাইয় 8:2

মুই ধর্মগুরু ঊরিয় আর যিবেরিখিয়র পুয়ো সখরিয়রে মর্ বিশ্বেজি সাক্ষি ইজেবে নেযেম্।”

যিরমিয় 10:2

লগেপ্রভু কোইয়্যেদে, “তুমি নানান্ জাদর্ আচার-বেবহার ন-শিখ্য, বা আগাজর্ নানান চিহ্নো দেগিনে ভাঙি ন-পোজ্য, যুনিয়ো নানান্ জাদে সিয়েনি দেগিনে ভাঙি পড়ন্।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 43:11

তারা যুনি তারার্ বেক কামানিত্তে লাজান্ সালে উবোসনা-ঘরর নক্‌শাগানর্ খুদিনাঢি তারারে জানা; তার্ ফ্রেমানি, তার বারেদি যেবার আর ভিদিরে সোমেবার পথ্‌তান, অত্তাৎ তার পুরো আড়ুগ্‌কান্ আর তার্ বেক নিয়ম আর রীদি-সুদোমানি তারা ইধু ফগদাং গর্। সিয়েনর্ বেক্কানি তারা মুজুঙোত্ লেখ্ যেনে তারা সিয়েনর নক্‌শা মজিম্ কাম্ গুরি পারন আর সিয়েনর বেক সুদোমানি মানি চলি পারন্।

যিহিষ্কেল 43:8

তারা মঅ ঘরর্ কায়কুরে তারার্ ঘরানি বানেয়োন; তারা ঘরানি আর মঅ ঘরানি মোধ্যে বানা এক্কান দেবাল এলঅ। তারার জঘন্য কামানিলোই তারা মঅ পবিত্র নাঙান্ কলংকিত গোজ্যন্। সেনত্তে মুই রাগে তারারে ভস্ত গোজ্যং।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

মথি লেখ্যে গম্ হবর্ 15:6

সালে মা-বাবরে তার আর সর্মান গুরিবার দরকার্ নেই। তমার্ এই বেক্ নিজো সুদোমানিত্তে তুমি গোজেন কধানি বাদ্ দুয়ো।

মথি লেখ্যে গম্ হবর্ 15:9

তারা মিজে মিজে মর্ উবোসনা গরন্; তারার্ দিয়্যে শিক্ষ্যেনি মান্‌জ্যর্ বানেয়্যে কয়েক্কান সুদোম্ বানা।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

যিহোশূয় 22:28

আমি মনে গোজ্যেইদে, তারা যুনি আমার বা আমার বংশধরুনোরে সে কধাগান কন্‌ সালে সিয়েনর্‌ জোবত্‌ আমি কবং, লগেপ্রভুর পূজো ধোক্ক্যেন্‌ চাদে অদেঅদে এ পূজোবোর্‌ ইন্দি তুমি চঅ‌। পুজ্যে-উৎসর্ব আর অন্য এ্যমান-উৎসর্বত্তে আমার পূরোণিমানুচ্চুনে ইবে ন-বানান্‌ মাত্তর্‌ গোজ্যন্দে তমার আর আমার সংমোধ্যে ইবে যেনে এক্কো সাক্ষী ওই থায়।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;