২ রাজাবলী 15:4 - Chakma Bible

⁴ মাত্তর্‌ উপোসনা অজল্‌ জাগায়ানি তে ভস্ত ন-গরে; মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 15:4 ပူးပေါင်းရင်းမြစ်များ

১ রাজাবলী 15:14

পূজোর্‌ অজল্‌ জাগায়ানি যু‌নিয়ো তে ভস্ত ন-গরে তো সারা জিংকানিবর্‌ তা মনান্‌ লগেপ্রভু উগুরে ভোক্তিলোই ভর্‌পুণোং এলঅ।

১ রাজাবলী 22:43

যিহোশাফটে বেক্কানি পৌইদ্যেনে তা বাবঅ ধোক্ক্যেন চলিদো, কনদিন্‌অ সে পথ্‌তান্‌ ফেলে ন-যায়। লগেপ্রভুর চোগোত্‌ যিয়েন্‌ ঠিগ্‌ তে সিয়েন গুরিদো। মাত্তর্‌ পূজোর্‌ অজল্‌ জাগায়ানি ভস্ত গরা ন-অয় আর মানুচ্চুনে সিয়েনত্‌ এ্যমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 12:3

মাত্তর্‌ তবনা ঘরর্ অজল জাগায়ানি ভস্ত গরা ন-অয়; মানুচ্চুনে সেক্কেয়ো সিদু য়েমান্‌ উৎসর্ব গুরিদাক্‌ আর পৌইরেগ্ জ্বালেদাক্‌।

২ রাজাবলী 12:4

যোয়াশে ধর্মগুরুগুনোরে কলঅ, “লগেপ্রভুর ঘরত্‌ পবিত্র দান ইজেবে যিদুক্কুন্‌ টেঙা আনা অয় তুমি সিগুন্‌ জমা গরঅ। সিগুন্‌ অলঅ-মানুচ্‌ গুণিবার সময়োত্‌ আন্যে টেঙা, মান্যে-ছিড়েবাত্তে আন্যে টেঙা আর তবনা-ঘরত্‌ নিজোর্‌ আওজে আন্যে টেঙা।

২ রাজাবলী 14:4

মাত্তর্‌ উপোসনার অজল জাগায়ানি তে ভস্ত ন-গরে; মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 15:3

অসরিয় তা বাপ্পো অমৎসিয়ো ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো।

২ রাজাবলী 15:34

তা বাপ্পো উষিয়োর ধোক্ক্যেন যোথমে লগেপ্রভুর চোগোত্‌ যিয়েনি গম্‌ সিয়েনি গুরিদো।

২ রাজাবলী 15:35

মাত্তর্‌ উবোসনা অজল্‌ জাগায়ানি তে ভস্ত ন-গরে। মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌। যোথমে লগেপ্রভুর ঘরর্‌ চেরোকিত্তে দেবাল অজল্‌ জাগায়ানির গেট্টুন্‌ সোর্‌গরা ধুরিলো।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

২ বংশধর 17:6

লগেপ্রভুর পধেন্দি চলিবাত্তে তার্‌ খুব্‌ আওজ্ এলঅ। সিয়েন্‌ বাদেয়ো তে যিহূদা দেজত্তুন্‌ পূজোর্‌ অজল্‌ জাগায়ানি আর আশেরা-খুদোগুন্‌ ভস্ত গুরি দিলো।

২ বংশধর 32:12

হিষ্কিয় নিজে কি পূজোর্‌ অজল্‌ জাগায়ানি আর ডালিপূজোগুন্‌ ভস্ত গুরি ন-দে? যিহূদা আর যিরূশালেমর মানুচ্চুনোরে কি তে ন-কয়, বানা এক্কো ডালিপূজো মুজুঙোত্‌ তারার্‌ উবোসনা গরা পুরিবো আর সিবে উগুরে আগর্‌বাট্টি জ্বালা পুরিবো?

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।