২ রাজাবলী 15:30 - Chakma Bible

³⁰ পরেন্দি উষিয়োর পুয়ো যোথমর রাজাগিরির কুড়ি বজরত্‌ এলার্ পুয়ো হোশেয় রমলিয়োর পুয়ো পেকহর বিরুদ্ধে কুজুরোমি গুরিলো আর তারে মারে ফেলেইনে তা জাগানত্‌ রাজা অলঅ।

২ রাজাবলী 15:30 ပူးပေါင်းရင်းမြစ်များ

২ রাজাবলী 15:10

সখরিয়োর বিরুদ্ধে যাবেশর্ পুয়ো শল্লুম কুজুরোমি গুরিলো আর মানুচ্চুনো মুজুঙোত্‌ তারে আক্রমণ গুরিনে মারে ফেলেল আর তা জাগানত্‌ রাজা অলঅ।

২ রাজাবলী 15:25

রমলিয়ের পুয়ো পেকহ নাঙে তার্‌ এক্কো সেনাপতি তা বিরুদ্ধে কুজুরোমি গুরিলো। পেকহ গিলিয়দর পঞ্চাশজন মান্‌জ্যরে লগে নেযেইনে শমরিয়ার রাজঘরর্‌ তাম্বুলোত্‌ পকহিয়, অর্গোব আর অরিয়িরে মারে ফেলেল। পকহিয়রে মারে ফেলেইনে পেকহ তা জাগানত্‌ রাজা অলঅ।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 15:31

পেকহর অন্য বেক্‌ কাম কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 16:1

রমলিয়োর পুয়ো পেকহের রাজাগিরির সতর বজরত্‌ যিহূদার রাজা যোথমর পুয়ো আহসে রাজাগিরি গরানা আরাম্ভ গুরিলো।

২ রাজাবলী 17:1

যিহূদার রাজা আহসর রাজাগিরির্‌ বার বজরত্‌ এলার্ পুয়ো হোশেয় শমরিয়াত্‌ ইস্রায়েলর রাজা অলঅ। তে নয় বজর রাজাগিরি গোজ্যে।

২ বংশধর 28:16

সে অক্তত্‌ রাজা আহসে সাহায্য চেবাত্তে আসিরিয়ার রাজা ইদু মানুচ্‌ পাদেল।

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

হোশেয় 10:15

ও বৈথেল, তঅ উগুরে সেবাবোত্যে ঘুদিবো, কিত্যে তঅ পাজিগান অমকদ বেশ্। বেন্যে পহ্‌‌‌‌‌‌র অলে ইস্রায়েলর্ রাজারে পুরোপুরিগুরি ভস্ত গুরি ফেলা অবঅ।

হোশেয় 10:3

তারা সেক্কে হামাক্কায় কবাক্, “আমি লগেপ্রভুরে ন-দোরেই বিলি আমার কনঅ রাজা নেই। মাত্তর্ রাজা থেলেয়ো তে আমাত্তে কি গুরি পারিদো?”

হোশেয় 10:7

পানিয়ে যেবাবোত্যে চিগোন্ ডেলারে ভাজেই নেযায় সেবাবোত্যে শমরিয়া আর তার্ রাজাবোরে নেযা অবঅ।