২ রাজাবলী 15:10 - Chakma Bible

¹⁰ সখরিয়োর বিরুদ্ধে যাবেশর্ পুয়ো শল্লুম কুজুরোমি গুরিলো আর মানুচ্চুনো মুজুঙোত্‌ তারে আক্রমণ গুরিনে মারে ফেলেল আর তা জাগানত্‌ রাজা অলঅ।

২ রাজাবলী 15:10 ပူးပေါင်းရင်းမြစ်များ

১ রাজাবলী 15:28

যিহূদার রাজা আসা রাজাগিরির্‌ তিন বজরত্‌ বাশা নাদবরে মারে ফেলেইনে তা জাগানত্‌ রাজা অলঅ।

২ রাজাবলী 12:21

যে কামগুরিয়্যেগুনে তারে মারে ফেল্যন্‌ তারা অলাক্‌ শিমিয়তর পুয়ো যোষাখর আর শোমরর পুয়ো যিহোষাবদ। যোয়াশে মুরি যানার্‌ পরেন্দি দায়ূদ-শঅরত্‌ তা পূরোণি মানুচ্চুনোর্‌ লগে তারে গোর্ দিয়্যে অলঅ। তা জাগানত্‌ তা পুয়োবো অমৎসিয় রাজা অলঅ।

২ রাজাবলী 14:19

যিরূশালেমত্‌ অমৎসিয়োর্‌ বিরুদ্ধে কুজুরোমি গরানার্‌ পরেন্দি তে লাখীশোত্‌ ধেই গেলঅ, মাত্তর্‌ মানুচ্চুনে লাখীশোত্‌ মানুচ্‌ পাদেইনে তারে সিদু মারে ফেলেলাক্‌।

২ রাজাবলী 15:11

সখরিয়োর অন্য বেক্‌ কাম কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 15:14

সে পরেন্দি গাদির পুয়ো মনহেম তির্সাত্তুন্‌ শমরিয়াত্‌ যেইনে যাবেশর্ পুয়ো শল্লুমরে আক্রমণ গুরিনে তারে মারে ফেলেল আর তা জাগানত্‌ রাজা অলঅ।

২ রাজাবলী 15:22

যেরেন্দি মনহেমে তা পূরোণি মানুচ্চুনোর ইদু গেলগোই আর তা জাগানত্‌ তার্‌ পুয়ো পকহিয় রাজা অলঅ।

২ রাজাবলী 15:25

রমলিয়ের পুয়ো পেকহ নাঙে তার্‌ এক্কো সেনাপতি তা বিরুদ্ধে কুজুরোমি গুরিলো। পেকহ গিলিয়দর পঞ্চাশজন মান্‌জ্যরে লগে নেযেইনে শমরিয়ার রাজঘরর্‌ তাম্বুলোত্‌ পকহিয়, অর্গোব আর অরিয়িরে মারে ফেলেল। পকহিয়রে মারে ফেলেইনে পেকহ তা জাগানত্‌ রাজা অলঅ।

২ রাজাবলী 15:30

পরেন্দি উষিয়োর পুয়ো যোথমর রাজাগিরির কুড়ি বজরত্‌ এলার্ পুয়ো হোশেয় রমলিয়োর পুয়ো পেকহর বিরুদ্ধে কুজুরোমি গুরিলো আর তারে মারে ফেলেইনে তা জাগানত্‌ রাজা অলঅ।

২ রাজাবলী 15:9

তে তা পূরোণি মানুচ্চুনো ধোক্ক্যেন লগেপ্রভুর চোগোত্‌ যিয়েনি বজং সিয়েনি গুরিদো। নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সখরিয় সে পাপ্পানি গরা ধুরিলো।

২ রাজাবলী 9:24

সেক্কে যেহূ বেক্‌ বলান্দোই নিজোর্‌ ধনুলোই যোরামর দ্বিকানা সংমোধ্যে সেল্‌লো মারিলো। সেল্‌লো যেইনে তা পরাণত্‌ লাগিলো আর তে রথ্‌তানত্তুন্‌ পড়িলো।

২ রাজাবলী 9:31

যেহূ যেক্কে গেট্টোন্দি সমের্‌ সেক্কে ঈষেবলে তারে কলঅ, “ও সিম্রির ধোক্ক্যেন্‌ খুনী, নিজো গিরোজ্‌সোরে কাপ্যে! তর্‌ এজানার উদ্দেশ্যগান্‌ কি গম্‌?”

হোশেয় 7:7

তারা বেক্কুনে তুন্দুরু ধোক্ক্যেন গরম ওইয়োন আর তারার্ শাজন্‌গুরিয়্যেগুনোরে তারা আগুনো ধোক্ক্যেন লেবেয়োন। তারার্ রাজাগুনে বেক্কুনে মোজ্যন্; তারা কনজনে মরে ন-ডাগন্।

হোশেয় 8:4

মর্ উগুম ছাড়াই তারা রাজাগুনোরে নেযেয়োন; মর্ অনুমতি ছাড়া তারা নেতাগুনোরে বেঈ লোইয়োন। তারার সনা আর রূবোলোই তারা মূত্তি বানেইনে নিজোরে সর্বনাশ গোজ্যন্।

আমোষ 7:9

ইস্‌‌হাক বংশ মানুচ্চুনোর পূজোর্ অজল্ জাগায়ানি আর ইস্রায়েলর উবোসনার অন্য জাগায়ানি ভস্ত গরা অবঅ। মুই লাম্বা ছুরিলোই যারবিয়াম বংশর্ বিরুদ্ধে উদিম।”