২ রাজাবলী 14:6 - Chakma Bible

⁶ মাত্তর্‌ মোশির রীদি-সুদোম বোইবোত্‌ যিয়েনি লেগা আঘে সেধোক্ক্যেন গুরিনে তে তারা পুয়োগুনোরে মারে ন-ফেলেল। সে বোইবোত্‌ লগেপ্রভুর এ উগুমান্‌ লেগা এলঅ, “পুয়ো-ঝিগুনোর্ পাপত্তে বাপ্পোরে বা বাপ্পো পাপত্তে পুয়ো-ঝিগুনোরে মারে ফেলেই ন-পারিবো, মাত্তর্‌ পত্তিজনত্তুন্‌ তা নিজো পাপত্তে মরা পুরিবো।”

২ রাজাবলী 14:6 ပူးပေါင်းရင်းမြစ်များ

যিরমিয় 31:30

সিয়েনর বদলে পত্তিজনে নিজোর পাপত্তে মুরিবাক্; যে কড় আংগুর হেবঅ তা নিজো দাত্‌‍‍‍‍‍‍‍তুন কড় ওই যেবাক্।” ‍

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

দ্বি’লম্বর বিররণ 24:16

ঝি-পূঅগুনোর পাপর কারণে বাপ্পোত্তুন বা বাপ্পোর্‌ পাবত্তে ঝি-পূঅগুনোরে মারে ফেলেই ন-পারিবো। বেক্কুনোত্তুন্‌ তার নিজোর পাবত্তে মরা পুরিবো।