২ রাজাবলী 13:7 - Chakma Bible

⁷ পঞ্চাশজন ঘোড়া সৈন্য, দশছান্‌ রথ আর দশ আজার আত্যের্‌বলা সৈন্য বাদে যিহোয়াহসর সৈন্যদলত্‌ আর কনজনে ন-এলাক্‌, কিত্তে অরামর রাজা বাদবাগি বেক্কুনোরে ভস্ত গুরি দিলো। তে তারারে মাদি ধোক্ক্যেন টেঙোই উজ্যে।

২ রাজাবলী 13:7 ပူးပေါင်းရင်းမြစ်များ

২ শমূয়েল 22:43

পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

১ রাজাবলী 20:15

আহাবে এ কধাগান শুনিনে নানান্‌ চাগালার্‌ শাজন্‌গুরিয়্যেগুনোর্‌ তলে গাবুজ্যে সৈন্যগুনোরে এগত্তর্‌ গুরিলো। সেক্কে তারা বেক্কুনে দ্বিশ বত্রিশজন অলাক্‌। সে পরেন্দি তে বেক্‌ ইস্রায়েলীয় সৈন্যগুনোরে এগত্তর্‌ গুরিলে সাত আজার সৈন্য অলাক্‌।

১ রাজাবলী 20:27

ইন্দি ইস্রায়েলীয়গুনোরে এগত্তর্‌ গরা অলঅ। তারারে হানা-দানা যুগেই দেনার্‌ বেবস্থা গরা অলে যেরেন্দি তারায়ো অরামীয়গুনোর লগে যুদ্ধো গুরিবাত্তে নিগিলি গেলাক্‌। ইস্রায়েলীয়গুনে অরামীয়গুনোর্‌ মুজুঙেন্দি তারার্‌ তাম্বুলান্‌ ফেলেলাক্‌। তারারে দেগিনে মনে অর্‌ দ্বিবে ছাগল পাল, আর ইন্দি অরামীয়গুনে পুরো দেজ্‌ছানত্‌ ছিদি পুরিলাক্‌।

২ রাজাবলী 10:32

সে অক্তত্তুন্‌ ধুরি লগেপ্রভু ইস্রায়েল দেজর দুযিগান্‌ চিগোন্‌ গরা ধুরিলো। হসায়েলে ইস্রায়েলীয়গুনোর দেজর্‌ যর্দন গাঙর্‌ পূগেন্দি বেক্‌ জাগানিত্‌ তারারে ওদেই দিয়্যে ধুরিলো। সে জাগায়ান্‌ অলঅ অর্ণোন কিজিঙোর্‌ কায় অরোয়র সং পুরো গিলিয়দ আর বাশন দেজছান্‌। ইয়েন্‌ এলদে গাদ, রূবেণ আর মনঃশির চাগালাগান্‌।

২ রাজাবলী 13:8

যিহোয়াহসর অন্য বেক্‌ কাম কধানি আর যুদ্ধোত্‌ তার্‌ জিদেনার্‌ কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 8:12

হসায়েলে পুযোর্‌ গুরিলো, “মঅ গিরোজ্‌সো কিত্তেই কানর্‌?” জোবত্‌ ইলীশায় কলঅ, “তুই ইস্রায়েলীয়গুনোরে কি ক্ষতি গুরিবে সিয়েন্‌ মুই হবর্‌ পাং। তুই তারার্‌ তাম্বুলানিত্‌ আগুন্‌ বাজেই দিবে, অসিলোই তারার্‌ গাবুজ্যে পূয়োগুনোরে মারে ফেলেবে, তারার্‌ চিগোন্‌ চিগোন্‌ পূয়ো-ঝিগুনোরে মাদিত্‌ আযার্‌ মারিবে আর তারার্‌ পিদিলী মিলেগুনোর্‌ পেটতুন্‌ ফাদি দিবে।”

গীতসংহিতা 18:42

বোইয়্যেরে উড়ে নেযেয়্যে ধূল্যা ধোক্ক্যেন্ মুই তারারে নিগুজ্ গোজ্যং, পদ পেক্কো-মাদি ধোক্ক্যেন্ তারারে ফেলেই দুয়োং।

যিশাইয় 36:8

“তুমি মর্ ওইনে তমা রাজাবোরে আরঅ কঅ, ‘তুই যুনি পারস্ সালে মর্ গিরোজ্ আসিরিয়ার রাজা সমারে এ বাঁজি ধর্, মুই তরে দ্বি আজার ঘোড়া দিম্ যুনি তুই সিগুনোত্ চড়িবাত্তে মানুচ্ দি পারস্।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

আমোষ 1:3

লগেপ্রভু কত্তে, “দামেস্কর তিনেন্ পাপ, এমন কি, চেরান্ পাপত্তে মুই হামাক্কায় তারে সাজা দিম, কিত্যে লুয়োর্ কাদাবলা মাড়েদে-মেশিনদোই তে গিলিয়দরে মাজ্যে।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

১ শমূয়েল 13:15

ইয়েনর্ পরেন্দি শমূয়েলে গিল্‌গল ছাড়িনে বিন্যামীন চাগালার্‌ গিবিয়াতদ্‌ আঢি গেলঅ। শৌল তা সমারে মানুচ্চুনোরে গুণি চেলদে, তারা মান্‌জ্যন্দি প্রায় ছয়শত জন এলাক্।