২ রাজাবলী 13:6 - Chakma Bible

⁶ মাত্তর্‌ যারবিয়ামে ইস্রায়েলরে দিইনে যেদক্কানি পাপ গোরেয়্যে তারা তা বংশত্তুন্ সে পাপ্পানিত্তুন্‌ সুরি নঅ-এলাক্, সিয়েনি গরা ধুরিলাক্‌। ইয়েনিবাদে আশেরা-খুদোবো সেক্কেয়ো শমরিয়াত্‌ রলঅ।

২ রাজাবলী 13:6 ပူးပေါင်းရင်းမြစ်များ

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 15:3

অবিয়ামর্‌ বাপ্পো যেদক্কানি পাপ গোজ্যে তেয়ো সে পাপ্পানি গরা ধুরিলো। তার্‌ পূরোণি মানুচ্‌ দায়ূদো ধোক্ক্যেন্ তার্‌ মনান্‌ গোজেন লগেপ্রভুর উগুরে ভোক্তি ন-এলঅ।

১ রাজাবলী 16:26

তে পুরোপুরিভাবে নবাটর পূঅ যারবিয়াম ধোক্ক্যেন্ চলিদো, অত্তাৎ যারবিয়ামে যেধোক্ক্যেন্ ইস্রায়েলীয়গুনোরে দিইনে পাপ গোরেয়্যে অম্রিয়ো সেধোক্ক্যেন্ গোজ্যে। সেক্কে ইস্রায়েলীয়গুনে অসার মূত্তিলোই তারার্‌ গোজেন লগেপ্রভুরে অহুজি গোজ্যন্‌।

১ রাজাবলী 16:33

তে ইক্কো আশেরা-মূত্তিয়ো বানেল আর তা আগেন্দি ইস্রায়েলীয়গুনোর্‌ বেক্‌ রাজাগুনে ইস্রায়েলীয়গুনোর্‌ গোজেন লগেপ্রভুরে যেত্তমান্‌ অহুজি গোজ্যন তে তার্‌ কামর্‌ মাধ্যমে তারে আরঅ বেশ্‌ অহুজি গুরিলো।

২ রাজাবলী 10:29

মাত্তর্‌ নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়েনিত্তুন্‌ তে সুরি ন-এজে। সিয়েনি অলঅ বৈথেল আর দানত্‌ সোনার্‌ গোরু ছগুনোরে পূজো গরানা।

২ রাজাবলী 13:11

লগেপ্রভুর চোগোত্‌ যিয়েনি গম্ নয় তে সিয়েনি গুরিদো আর নবাটর পুয়ো‌ যারবিয়ামে ইস্রায়েলরে দিইনে যেদক্কানি পাপ গোরেয়্যে যিহোয়াশে সিয়েনি গরা ধুরিলো, সিয়েনিত্তুন্‌ নঅ-ফিরিলো।

২ রাজাবলী 13:2

লগেপ্রভুর চোগেন্দি যিয়েনি ভান্ন্যেই তে সিয়েনি গুরিদো আর নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে তেয়ো সিয়েনি গুরিদো; সিয়েনিত্তুন্‌ তে নঅ-ফিরিলো।

২ রাজাবলী 17:16

তারা তারার্‌ গোজেন লগেপ্রভুর বেক্‌ উগুমানি ছাড়িনে নিজোত্তে ঢালাই গোজ্যে দ্বিবে গোরু ছঅ মূত্তি আর এক্কো আশেরা-খুদো বানেয়োন। তারা আগাজ তারাগুনোরে পূজো গুরিদাক্‌ আর বাল দেবেদা সেবা গুরিদাক্‌।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

২ রাজাবলী 23:4

রাজা সেক্কে বাল দেবেদা আর আশেরা আহ্‌ আগাজ বেক্‌ তারাগুনোরে পূজিবাত্তে বানেয়্যে বেক্‌ পযাপিরানি লগেপ্রভুর ঘরত্তুন্‌ নিগিলেবাত্তে দাঙর্‌ ধর্মগুরু হিল্কিয়রে, দ্বিলম্বরর ধর্মগুরুগুনোরে আর চুগিদারুনোরে উগুম দিলো। তে সিগুনোরে যিরূশালেমর বারেন্দি কিদ্রোণ কিজিঙোর্‌ মাদত্‌ পুড়ি ফেলেল আর ছেইয়ানি বৈথেলত্‌ নেযেল।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

দ্বি’লম্বর বিররণ 7:5

তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।