২ রাজাবলী 13:4 - Chakma Bible

⁴ ইয়েন পরেন্দি যিহোয়াহসে লগেপ্রভুর ইদু কোজোলি গুরিলো আর লগেপ্রভু তা কধানি শুনিলো, কিত্তে অরামর রাজা জদবদেগুরিনে ইস্রায়েলর উগুরে যে অত্যেচারানি গোজ্যে সিয়েনি তে দেখ্যে।

২ রাজাবলী 13:4 ပူးပေါင်းရင်းမြစ်များ

পত্থম 21:17

মাত্তর্‌ পুয়োবোর্‌ কানানিগান গোজেন কানত্‌ যেইনে লুমিলোগোই। সেক্কে গোজেন দূত্তো স্বর্গত্তুন্‌ হাগাররে ডাগিনে কলঅ, “হাগার, তর্‌ কি ওইয়্যে? ন-দোরেচ্‌, কিত্তে পুয়োবো যিয়েনত্‌ আঘে সিয়েনত্তুন্‌ তা কানানিগান গোজেন কানত্‌ যেইনে লুম্মেগোই।

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

২ রাজাবলী 13:22

যিহোয়াহসর পুরো রাজাগিরি সময়ান ধুরিনে অরামর রাজা হসায়েলে ইস্রায়েল উগুরে অত্যেচার্‌ গোজ্যে।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

২ রাজাবলী 14:26

ইয়েন কারণান্‌ অলঅ, লগেপ্রভু দেখ্যেদে ইস্রায়েল গিরোজ্‌ বা চাগর্‌ বেক্কুনে অমকদ দুখ্‌ পাদন্‌; কনজনে তারারে বল্‌ দিবাত্তে ন-এলাক্‌।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

ইষ্রা 8:23

সেনত্তে আমি উবোস্ থেলং আর এ বেপারে আমি গোজেন ইধু কোজোলী গোজ্যেই আর তে আমা তবনাগানর্ জোব্ দিলো।

ইয়োব 22:27

তুই তাইদু তবনা গুরিলে তে সিয়েন্‌ শুনিবো, আর তুই তর্‌ বেক্‌ মান্ন্যেগানি ছিড়েবে।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

গণাণা 21:7

সেক্কে মানুচ্চুনে যেইনে মোশিরে কলাক্, “লগেপ্রভু আর তর্‌ বিরুদ্ধে কধা কোইনে আমি পাপ গোজ্জ্যেই। তুই ইক্কিনে লগেপ্রভুরে কোজোলী গুরিদে যেনে তে এই বেক্‌ সাপ্পুন্‌ আমা মুজুঙোত্তুন্‌ সোরেই নেযাই।” সেক্কে মোশি মানুচ্চুনোত্তে কোজোলী গুরিলো।

বিচের গুরিয়্যেগুন 10:10

তারা লগেপ্রভুর ইদু কানাকুদি গুরিনে কলাক্‌, “আমা গোজেনরে ছাড়িনে বাল দেবেদাগুনোরে পূজো গুরিনে যদবদে আমি তঅ বিরুদ্ধে পাপ গোজ্যেই।”