২ রাজাবলী 13:3 - Chakma Bible

³ সেনত্তে ইস্রায়েল বিরুদ্ধে লগেপ্রভুর রাগ্‌কান্‌ জুলি উদিলো; আর তে অরামর রাজা হসায়েল আর তা পুয়ো বিন্‌হদদ আঢত্‌ বার্‌ বার্‌ তারারে তুলি দিলো।

২ রাজাবলী 13:3 ပူးပေါင်းရင်းမြစ်များ

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

২ রাজাবলী 12:17

এ সময়োত্‌ অরামর রাজা হসায়েলে যেইনে গাৎ আক্রমণ গুরিনে সিয়েন্‌ গজক গুরি নেযেল। সে পরেন্দি তে যিরূশালেমান্‌ আক্রমণ গুরিবাত্তে উজেই গেলঅ।

২ রাজাবলী 13:22

যিহোয়াহসর পুরো রাজাগিরি সময়ান ধুরিনে অরামর রাজা হসায়েলে ইস্রায়েল উগুরে অত্যেচার্‌ গোজ্যে।

২ রাজাবলী 17:20

সেনত্তে লগেপ্রভু বেক্‌ ইস্রায়েলীয়গুনোরে বাদ দি দিলো। তে তারারে দুগোত্‌ ফেলেল আর লুটগুরিয়্যেগুনোর্‌ আঢত্‌ তুলি দিলো, আর যেরেন্দি নিজোর্‌ মুজুঙোত্তুন্‌ তারারে ধাবেই দিলো।

যিরমিয় 49:27

দামেস্কর দেবালানিত্ মুই আগুন বাজেই দিম্; সিয়েন বিন্‌হদদর তাম্বুলানি পুড়ি ফেলেব।”

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 3:8

সেনত্তেই ইস্রায়েল উগুরে লগেপ্রভুর রাগ্‌কান জুলি উদিলো আর তে অরাম-নহরয়িমর রাজা কূশন-রিশিয়াথয়িমর আঢত্‌ তারারে তুলি দিলো। তারা আস্‌টো বছর সং তার্‌ অধীনোত্‌ তলে এলাক্‌।