২ রাজাবলী 13:25 - Chakma Bible

²⁵ সেক্কে যিহোয়াহসর পুয়ো যিহোয়াশে সেই বেক্‌ শঅরানি আরঅ গজক গুরি নেযেল যিয়েনি হসায়েলর পুয়ো বিন্‌হদদে তা বাপ্পো যিহোয়াহসত্তুন্‌ যুদ্ধোত্ জিদিনে নেযেয়্যে। যিহোয়াশে তিনবার বিন্‌হদদরে যুদ্ধোত্‌ ওদেই দিইনে ইস্রায়েলীয় শঅরানি উদ্ধোর্‌ গুরি নিলো।

২ রাজাবলী 13:25 ပူးပေါင်းရင်းမြစ်များ

১ রাজাবলী 20:29

সাতদিন সং তারা একজন আরেকজনর্‌ মুজুঙো-মুজুঙি তাম্বুল্‌ ফেলেইনে রলাক্‌। সে পরেন্দি সাত দিনোত্‌ যুদ্ধো আরাম্ভ ওই গেলঅ। ইস্রায়েলীয়গুনে এক দিনে এক লাখ্‌ অরামীয় ঘোড়ার্‌ সৈন্যরে মারে ফেলেলাক্‌।

২ রাজাবলী 10:32

সে অক্তত্তুন্‌ ধুরি লগেপ্রভু ইস্রায়েল দেজর দুযিগান্‌ চিগোন্‌ গরা ধুরিলো। হসায়েলে ইস্রায়েলীয়গুনোর দেজর্‌ যর্দন গাঙর্‌ পূগেন্দি বেক্‌ জাগানিত্‌ তারারে ওদেই দিয়্যে ধুরিলো। সে জাগায়ান্‌ অলঅ অর্ণোন কিজিঙোর্‌ কায় অরোয়র সং পুরো গিলিয়দ আর বাশন দেজছান্‌। ইয়েন্‌ এলদে গাদ, রূবেণ আর মনঃশির চাগালাগান্‌।

২ রাজাবলী 13:24

অরামর রাজা হসায়েলে মুরি যানার্‌ পরেন্দি তা পুয়োবো বিন্‌হদদে তা জাগানত্‌ রাজা অলঅ।

২ রাজাবলী 13:3

সেনত্তে ইস্রায়েল বিরুদ্ধে লগেপ্রভুর রাগ্‌কান্‌ জুলি উদিলো; আর তে অরামর রাজা হসায়েল আর তা পুয়ো বিন্‌হদদ আঢত্‌ বার্‌ বার্‌ তারারে তুলি দিলো।

২ রাজাবলী 13:5

সেক্কে লগেপ্রভু ইস্রায়েলরে এক্কো উদ্ধোরগুরিয়্যে দিলো। সেনে ইস্রায়েলীয়গুনে অরাম আঢত্তুন্‌ বাঁজিলাক্‌। সেনত্তে তারা আগঅ ধোক্ক্যেন আরঅ গমেডালে বজত্তি গরা ধুরিলাক্‌।

২ রাজাবলী 14:25

ইস্রায়েলর গোজেন লগেপ্রভু তা চাগর্‌ গাৎ-হেফরর্‌ অমিত্তয়র পুয়ো ভাববাদী যোনার মাধ্যমে যে কধাগান কোইয়্যে সে কধা মজিম্ যারবিয়ামে হমাৎ চাগালাত্তুন্‌ অরাবার দোজ্যে সাগর্‌ সং আগেন্দি ইস্রায়েলর রেজ্যর্‌ যে দুযিগান্‌ এলঅ সিয়েন্‌ আরঅ নিজোর্‌ গজকত্ ফিরেই আনিলো।