২ রাজাবলী 13:22 - Chakma Bible

²² যিহোয়াহসর পুরো রাজাগিরি সময়ান ধুরিনে অরামর রাজা হসায়েলে ইস্রায়েল উগুরে অত্যেচার্‌ গোজ্যে।

২ রাজাবলী 13:22 ပူးပေါင်းရင်းမြစ်များ

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

২ রাজাবলী 10:32

সে অক্তত্তুন্‌ ধুরি লগেপ্রভু ইস্রায়েল দেজর দুযিগান্‌ চিগোন্‌ গরা ধুরিলো। হসায়েলে ইস্রায়েলীয়গুনোর দেজর্‌ যর্দন গাঙর্‌ পূগেন্দি বেক্‌ জাগানিত্‌ তারারে ওদেই দিয়্যে ধুরিলো। সে জাগায়ান্‌ অলঅ অর্ণোন কিজিঙোর্‌ কায় অরোয়র সং পুরো গিলিয়দ আর বাশন দেজছান্‌। ইয়েন্‌ এলদে গাদ, রূবেণ আর মনঃশির চাগালাগান্‌।

২ রাজাবলী 8:12

হসায়েলে পুযোর্‌ গুরিলো, “মঅ গিরোজ্‌সো কিত্তেই কানর্‌?” জোবত্‌ ইলীশায় কলঅ, “তুই ইস্রায়েলীয়গুনোরে কি ক্ষতি গুরিবে সিয়েন্‌ মুই হবর্‌ পাং। তুই তারার্‌ তাম্বুলানিত্‌ আগুন্‌ বাজেই দিবে, অসিলোই তারার্‌ গাবুজ্যে পূয়োগুনোরে মারে ফেলেবে, তারার্‌ চিগোন্‌ চিগোন্‌ পূয়ো-ঝিগুনোরে মাদিত্‌ আযার্‌ মারিবে আর তারার্‌ পিদিলী মিলেগুনোর্‌ পেটতুন্‌ ফাদি দিবে।”

২ রাজাবলী 8:13

সেক্কে হসায়েলে কলঅ, “বানা এক্কো কুগুরো ধোক্কেন্‌ তর্‌ এ চাগর্‌বো কেধোক্কেন্‌ গুরি এ সাহসর্‌ কামান্‌ গুরিবো?” ইলীশায় কলঅ, “তুই যে অরামর রাজা অবে সিয়েন্‌ লগেপ্রভু মরে দেগেই দিয়্যে।”