২ রাজাবলী 13:17 - Chakma Bible

¹⁷ “পূগেন্দি জানালাগান্‌ খুলি দে।” তে খুলিলো। সে পরেন্দি ইলিশায় কলদে, “সেল্‌ মার্‌।” যিহোয়াশে জানালা খুলিনে সেল্‌ মারিলো। সেক্কে ইলীশায় ফগদাঙ্‌ গুরিলো, “ইবে অলঅ লগেপ্রভুর জিদেনার্‌ সেল্‌, অরাম উগুরে জিদেনার্‌ সেল্‌। তুই অফেকত্‌ অরামীয়গুনোরে ওদেই দিইনে এক্কুবারে ভস্ত গুরি দিবে।”

২ রাজাবলী 13:17 ပူးပေါင်းရင်းမြစ်များ

২ শমূয়েল 5:24

বেঙা গাজ্‌চুনোর্‌ মাঢাত্‌ যেক্কে তুই সৈন্যদলুনোর্‌ আঢি যানা রঅ শুনিবে সেক্কে নিগিলিবে। ইয়েনর্ ভেদ্‌তান্ অলদে, পলেষ্টীয় সৈন্যগুনোরে আঘাত্‌ গুরিবাত্তে লগেপ্রভু তঅ আগে আগে যেইয়্যে।”

১ রাজাবলী 20:26

এজেত্তে বজর্‌ জার্‌কালত্‌ বিন্‌হদদে অরামীয়গুনোরে এগত্তর্‌ গুরিনে ইস্রায়েলর লগে যুদ্ধো গুরিবাত্তে অফেকত্‌ গেলঅ।

১ রাজাবলী 20:29

সাতদিন সং তারা একজন আরেকজনর্‌ মুজুঙো-মুজুঙি তাম্বুল্‌ ফেলেইনে রলাক্‌। সে পরেন্দি সাত দিনোত্‌ যুদ্ধো আরাম্ভ ওই গেলঅ। ইস্রায়েলীয়গুনে এক দিনে এক লাখ্‌ অরামীয় ঘোড়ার্‌ সৈন্যরে মারে ফেলেলাক্‌।

২ রাজাবলী 13:18

সে পরেন্দি ইলীশায় কলঅ, “তুই সেলুন্‌ আঢত্‌ লঅ।” রাজা সিগুন্‌ আঢত্‌ নেযানার্‌ পরেন্দি ইলীশায় কলঅ, “মাদিত্‌ ফুদেই দে।” রাজা তিনবার ফুদে দিইনে থামেল।

যাত্রা 4:17

তর্‌ এ লুদিক্কো তুই আঢত্‌ গুরি নেযেবে আর সিবেলোই সে বেক্‌ আমক্‌ অবার কামানি গুরিবে।”

যাত্রা 4:2

সেক্কে লগেপ্রভু তারে কলঅ, “তঅ আঢত্‌ সিবে কি?” তে কলঅ, “এক্কো লুদিক্‌।”

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

যিহোশূয় 12:18

অফেকর রাজা, লশারোণর রাজা,

১ শমূয়েল 4:1

আর শমূয়েলে যিয়েনি কদঅ সিয়েনি বেক্কানি ইস্রায়েলীয়গুনো ইদু লুমিদোগোই। একবার ইস্রায়েলীয়গুনে পলেষ্টীয়গুনোর বিরুদ্ধে যুদ্ধো গুরিবাত্তে নিগিলিলাক্। তারা এবন্-এষরত্‌ তাম্বুলান টাঙেলাক্ আর পলেষ্টীয়গুনে অফেকত্ তাম্বুল ফেলেলাক্।