২ রাজাবলী 13:14 - Chakma Bible

¹⁴ ইয়েন আগেন্দি ইলীশায় অসুগ্ এলঅ আর সে অসুগকান্দোই তে মুরি গেলঅ। তে মুরি যেবার্‌ আগেন্দি ইস্রায়েলর রাজা যিহোয়াশে তারে চেবাত্তেই যেইয়্যে আর কানি কানি কোইয়্যেদে, “ও মর্‌ বাবা, মর্‌ বাবা, রথ আর ঘোড়াসৈন্যগুনো ধোক্ক্যেন তুই ইস্রায়েলর রোক্ষ্যেগুরিয়্যে।”

২ রাজাবলী 13:14 ပူးပေါင်းရင်းမြစ်များ

পত্থম 48:1

ইয়েন কয়েকদিন পরেদি যোষেফে হবর্‌ পেলঅ, তা বাপ্পো অসুখ্‌ ওইয়্যে। সেক্কে তে তার্‌ দ্বিবে পুয়ো মনঃশি আর ইফ্রয়িমরে লগে নেযেইনে সিধু গেলঅ।

পত্থম 49:33

যাকোবে তা পুয়োগুনোরে উগুম্‌ দেনার পরেদি বিচ্ছোনান উগুরে তা টেঙানি তুলিনে ঘুমোত্‌ পুড়িলো। সে পরেদি শেজ্ নিযেস্‌ ফেলেইনে তা পুরোণি মানুচ্চুনো ইধু গেলগোই।

পত্থম 50:1

সেক্কে যোষেফে তা বাবঅ মুয়ো উগুরে পড়িনে কানা ধুরিলো আর তারে চুমিলো।

২ রাজাবলী 13:12

যিহোয়াশর অন্য বেক্‌ কামর কধানি আর যে বলান্দোই তে যিহূদার রাজা অমৎসিয়োর লগে যুদ্ধো গোজ্যে সে কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 13:13

যেরেন্দি যিহোয়াশে তা পূরোণি মানুচ্চুনোর্‌ ইদু গেলগোই আর তা পুয়ো যারবিয়ামে তা জাগানত্‌ রাজা অলঅ। শমরিয়াত্‌ ইস্রায়েল রাজাগুনোর লগে যিহোয়াশরে গোর্ দিয়্যে অলঅ।

২ রাজাবলী 13:15

সে সময়োত্‌ ইলীশায় তারে কলঅ, “তুই সেল্‌-ধনু লোই আয়।” তে সিয়েন্‌ আনানার্‌ পরেন্দি ইলীশায় কলদে, “ধনুগান্‌ আঢত্‌ লঅ।” সেক্কে তে সিয়েন্‌ আঢত্‌ লল। যেরেন্দি ইলীশায় রাজার আত্তানি উগুরে তা আত্তান্‌ থোইনে কলঅ,

২ রাজাবলী 2:12

ইলীশায় সিয়েন্‌ দেগিনে কিজেক্ ছাড়িনে কলঅ, “ও মর্‌ বাবা, মর্‌ বাবা, চাহ্, ইস্রায়েল রথ আর ঘোড়ার সৈন্য।” ইয়েনর্ পরেন্দি ইলীশায় আর তারে ন-দেগিলো। সেক্কে তে নিজো কাবড়ান্‌ ধুরি ফাদিপাদাই দ্বিভাগ গুরিলো।

২ রাজাবলী 20:1

সে অক্তত্‌ হিষ্কিয় অসুখ্‌ ওই পেরায় মরা ধোক্ক্যেন ওইয়্যে। সেক্কে আমোস পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেনে তঅ ঘরর্‌ বেবস্থাগান্‌ গুরিনে রাগাচ্, কিত্তে তুই মুরি যেবে, গম্‌ নঅ-অবে।”

২ রাজাবলী 6:21

ইস্রায়েলর রাজা তারারে দেগিনে ইলীশায়রে কলঅ, “বাবা, মুই কি তারারে মারে ফেলেম?”

গীতসংহিতা 12:1

ও লগেপ্রভু, রোক্ষ্যে গর্, তর্ ভক্তগুনে আর্ নেই; বিশ্বেজি মানুচ্ মান্‌‌জ্য ভিদিরেত্তুন্ উদি যেয়োন্দোই।

গম্ উপদেজ্ 11:11

গম মানুচ্চুনে গোজেনর্ বর্ পেলে শঅরত্ ভালেদি অয়, মাত্তর্ পাজিগুনো মুয়ো কধানিলোই শঅরত্ দজা অয়।

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

সখরিয় 1:5

তমা সেই পূরোণি মানুচ্চুনে ইক্কিনে কুদু? আর ভাববাদীগুনে কি উমরত্যে বাঁজি থান্?

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

যোহন 11:3

ইয়েনত্যে তা বোনুনে যীশুরে এ কধাগান্ কোই পাধেলাক্, “প্রভু, তুই যিবেরে কোচ্‌পাজ্ তার্ অসুগ্ ওইয়্যে।”

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।