২ রাজাবলী 13:13 - Chakma Bible

¹³ যেরেন্দি যিহোয়াশে তা পূরোণি মানুচ্চুনোর্‌ ইদু গেলগোই আর তা পুয়ো যারবিয়ামে তা জাগানত্‌ রাজা অলঅ। শমরিয়াত্‌ ইস্রায়েল রাজাগুনোর লগে যিহোয়াশরে গোর্ দিয়্যে অলঅ।

২ রাজাবলী 13:13 ပူးပေါင်းရင်းမြစ်များ

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

১ রাজাবলী 1:21

সিয়েন ন-অলে যেক্কে মর্‌ গিরোজ্‌ মহারাজ তার পূরোণিমানেইয়ূনো ইদু যেবগোই সেক্কে মরে আর মর্‌ পূঅ শলোমনরে দুষি বিলিনে ধরা অবঅ।”

১ রাজাবলী 11:31

সে পরেন্দি তে যারবিয়ামরে কলদে, “দশছুয়ো কট্টা তুই তুলি নেযা, হিত্তেই ইস্রায়েলর গোজেন লগেপ্রভু তরে কোইয়্যেদে, ‘চাহ্, মুই শলোমনর্ আঢত্তুন্‌ রেজ্যগান কারি নেযেম্‌ আর তরে দশছুয়ো গুট্টির ভারান্‌ দিম্‌।

১ রাজাবলী 2:10

ইয়েনর্ পরেন্দি দায়ূদে তার পূরোণি মানেইয়ুনোর ইদু গেলগোই আর তারে দায়ূদ-শঅরত্‌ গোর্ দিয়্যে অলঅ।

২ রাজাবলী 13:12

যিহোয়াশর অন্য বেক্‌ কামর কধানি আর যে বলান্দোই তে যিহূদার রাজা অমৎসিয়োর লগে যুদ্ধো গোজ্যে সে কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 13:14

ইয়েন আগেন্দি ইলীশায় অসুগ্ এলঅ আর সে অসুগকান্দোই তে মুরি গেলঅ। তে মুরি যেবার্‌ আগেন্দি ইস্রায়েলর রাজা যিহোয়াশে তারে চেবাত্তেই যেইয়্যে আর কানি কানি কোইয়্যেদে, “ও মর্‌ বাবা, মর্‌ বাবা, রথ আর ঘোড়াসৈন্যগুনো ধোক্ক্যেন তুই ইস্রায়েলর রোক্ষ্যেগুরিয়্যে।”

২ রাজাবলী 13:9

যেরেন্দি যিহোয়াহসে তা পূরোণি মানুচ্চুনোর ইদু গেলঅ আর তারে শমরিয়াত্‌ গোর্ দিয়্যে অলঅ। তা জাগানত্‌ তা পুয়োবো যিহোয়াশে রাজা অলঅ।

২ রাজাবলী 14:15

যিহোয়াশর অন্য বেক্‌ কামর্‌ কধানি, যুদ্ধোত্‌ তার্‌ জিদেনার্‌ কধানি আর যিহূদার রাজা অমৎসিয়োর্‌ বিরুদ্ধে তার্‌ যুদ্ধোর্‌ কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 14:23

যিহূদার রাজা যোয়াশর পুয়ো অমৎসিয়োর্‌ রাজাগিরির্‌ পন্দর্‌ বজরত্‌ ইস্রায়েলর রাজা যিহোয়াশর পুয়ো যারবিয়ামে শমরিয়াত্‌ রাজা অলঅ আর তে একচোল্লিশ বজর্‌ রাজাগিরি গোজ্যে।

২ রাজাবলী 15:12

লগেপ্রভু যেহূরে যিয়েনি কোইয়্যে, “তঅ বংশত্তুন চের্‌ আজু সং ইস্রায়েলর সিংহাসনত্‌ বুজিবাক্‌,” সিয়েন্‌ পূরোণ অলঅ।

হোশেয় 1:1

যিহূদার রাজা উষিয়, যোথম, আহস আর হিষ্কিয়র রাজাগিরির্ সময়োত্ আর ইস্রায়েলর রাজা যোয়াশর পুয়ো যারবিয়ামর সময়োত্ বেরির পুয়ো হোশেয় ইধু লগেপ্রভুর কধানি ফগদাং অলঅ।