২ রাজাবলী 13:12 - Chakma Bible

¹² যিহোয়াশর অন্য বেক্‌ কামর কধানি আর যে বলান্দোই তে যিহূদার রাজা অমৎসিয়োর লগে যুদ্ধো গোজ্যে সে কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 13:12 ပူးပေါင်းရင်းမြစ်များ

১ রাজাবলী 14:19

যারবিয়ামর অন্য কামানি, তার্‌ বেক যুদ্ধোগানি আর রাজাগিরি গুরিবার কধানি “ইস্রায়েলর রাজাগুনোর্‌ বিজগ” নাঙে বোইবোত্‌ লেগা আঘে।

২ রাজাবলী 1:18

অহসিয়োর অন্য বেক্‌ কাম কধানি “ইস্রায়েলর রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 13:11

লগেপ্রভুর চোগোত্‌ যিয়েনি গম্ নয় তে সিয়েনি গুরিদো আর নবাটর পুয়ো‌ যারবিয়ামে ইস্রায়েলরে দিইনে যেদক্কানি পাপ গোরেয়্যে যিহোয়াশে সিয়েনি গরা ধুরিলো, সিয়েনিত্তুন্‌ নঅ-ফিরিলো।

২ রাজাবলী 13:13

যেরেন্দি যিহোয়াশে তা পূরোণি মানুচ্চুনোর্‌ ইদু গেলগোই আর তা পুয়ো যারবিয়ামে তা জাগানত্‌ রাজা অলঅ। শমরিয়াত্‌ ইস্রায়েল রাজাগুনোর লগে যিহোয়াশরে গোর্ দিয়্যে অলঅ।

২ রাজাবলী 14:25

ইস্রায়েলর গোজেন লগেপ্রভু তা চাগর্‌ গাৎ-হেফরর্‌ অমিত্তয়র পুয়ো ভাববাদী যোনার মাধ্যমে যে কধাগান কোইয়্যে সে কধা মজিম্ যারবিয়ামে হমাৎ চাগালাত্তুন্‌ অরাবার দোজ্যে সাগর্‌ সং আগেন্দি ইস্রায়েলর রেজ্যর্‌ যে দুযিগান্‌ এলঅ সিয়েন্‌ আরঅ নিজোর্‌ গজকত্ ফিরেই আনিলো।