২ রাজাবলী 12:7 - Chakma Bible

⁷ সেনত্তে রাজা যোয়াশে ধর্মগুরু যিহোয়াদা আর অন্য ধর্মগুরুগুনোরে ডাগিনে পাদেল আর পুযোর্‌ গুরিলো, “তুমি উবোসনা-ঘরর ভাঙা জাগানি ঠিগ্‌ ন-গরঅ কিত্তে? তুমি তমার্‌ মানুচ্চুনোত্তুন্‌ টেঙা লোইনে আর নিজো ইদু ন-রাগেবা বরং তবনা-ঘরর্‌ ঠিগ্‌ গরেদে কামত্‌ সিয়েনি দি দিবা।”

২ রাজাবলী 12:7 ပူးပေါင်းရင်းမြစ်များ

২ রাজাবলী 11:4

সাত বজরত্‌ ধর্মগুরু যিহোয়াদা রোক্ষ্যেদলর শত উগুরে সেনাপতিগুনোরে আর চুগিদারুনোর্‌ শত উগুরে সেনাপতিগুনোরে ডাগিনে পাদেল আর লগেপ্রভুর ঘরত্‌ তারারে নিজোর্‌ কায়কুরে আনিলো। তে তারার্‌ লগে এক্কো চুক্তি গুরিলো আর লগেপ্রভুর ঘরত্‌ তারারে দিইনে এক্কান্‌ শমক্‌ খাবেইনে পরেন্দি রাজার পুয়োবোরে তারারে দেগেল।

২ রাজাবলী 12:2

ধর্মগুরু যিহোয়াদা যেদকদিন যোয়াশর সল্লা দিয়্যে এলঅ সেদকদিন যোয়াশে লগেপ্রভুর চোগোত্‌ যিয়েনি গম্‌ সিয়েনি গোজ্যে।

২ রাজাবলী 12:6

মাত্তর্‌ যোয়াশর রাজাগিরির তেইশ বজরত্‌ দেগা গেলদে ধর্মগুরুগুনে সেক্কেয়ো তবনা-ঘরর্‌ ঠিগ্‌ গুরিবার কামানি ন-গরন্‌।

২ রাজাবলী 12:8

ধর্মগুরুগুনে রাজী অলাক্‌, তারা মানুচ্চুনোত্তুন্‌ টেঙা লোইনে আর নিজো ইদু ন-রাগেবাক্‌ আর নিজেই তবনা-ঘরর্‌ ঠিগ্‌ গরেদে কামঅ ন-গুরিবাক্।

১ বংশধর 21:3

মাত্তর্‌ যোয়াবে জোবত্‌ কলঅ, “লগেপ্রভু যেনে তার্‌ নিজো মানুচ্চুনোরে একশঅ গুণ্‌ বাড়েই দে। মর্‌ গিরোজ মহারাজ, ইগুনে বেক্কুনে কি তর্ চাগর্‌ নয়? সালে কিত্তে মঅ গিরোজ্‌সো ইয়েন্‌ গুরিবাত্তে চেইয়্যে? কিয়া তত্তে পুরো ইস্রায়েল জাদ্‌তুয়ো দুষি অবঅ?”

২ বংশধর 23:1

সাত্‌ বজরত্‌ যিহোয়াদা নিজোরে দরমর গুরিনে যিহোরামর পুয়ো অসরিয়, যিহোহাননর পুয়ো ইশ্মায়েল, ওবেদর পুয়ো অসরিয়, অদায়ার পুয়ো মাসেয় আর সিখ্রির পুয়ো ইলীশাফটর লগে এক্কান চুক্তি গুরিলো। ইগুনে বেক্কুনে অলাক্‌ শত উগুরে সৈন্যর নেতা।

২ বংশধর 24:16

ইস্রায়েল ভিদিরে গোজেনত্তে আর তা ঘরত্তে তে যেদক্কানি গম্‌ কাম্‌ গোজ্যে সেনত্তে তারে দায়ূদ-শঅরত্‌ রাজাগুনোর লগে গোর্ দিয়্যে অলঅ।

হগয় 1:2

“মুই বেগত্তুন্ খেমতাবলা গোজেন লগেপ্রভু কঙর্, এ মানুচ্চুনে কদন্, ‘লগেপ্রভুর ঘর বানেবার সময় এজঅ ন-এজে।’ ”