২ রাজাবলী 12:6 - Chakma Bible

⁶ মাত্তর্‌ যোয়াশর রাজাগিরির তেইশ বজরত্‌ দেগা গেলদে ধর্মগুরুগুনে সেক্কেয়ো তবনা-ঘরর্‌ ঠিগ্‌ গুরিবার কামানি ন-গরন্‌।

২ রাজাবলী 12:6 ပူးပေါင်းရင်းမြစ်များ

২ রাজাবলী 12:5

পত্তি ধর্মগুরুয়্যে যেনে তা মানুচ্চুনোত্তুন্‌ টেঙা নেযান্‌ আর তবনা-ঘরর্‌ ভাঙা জাগায়ানি ঠিগ্‌ গুরিবার্‌ কামত্‌ সিগুন্‌ বেবহার গরন্‌।”

২ রাজাবলী 12:7

সেনত্তে রাজা যোয়াশে ধর্মগুরু যিহোয়াদা আর অন্য ধর্মগুরুগুনোরে ডাগিনে পাদেল আর পুযোর্‌ গুরিলো, “তুমি উবোসনা-ঘরর ভাঙা জাগানি ঠিগ্‌ ন-গরঅ কিত্তে? তুমি তমার্‌ মানুচ্চুনোত্তুন্‌ টেঙা লোইনে আর নিজো ইদু ন-রাগেবা বরং তবনা-ঘরর্‌ ঠিগ্‌ গরেদে কামত্‌ সিয়েনি দি দিবা।”

২ বংশধর 24:5

তে ধর্মগুরু আর লেবীয়গুনোরে ডাগিনে এগত্তর্‌ গুরিনে কলঅ, “তুমি পত্তি বজর্‌ তমা গোজেন ঘরান্‌ ঠিগ্‌ গুরিবাত্তে বেক্‌ ইস্রায়েলীয়গুনো ইত্তুন্‌ টেঙা আদায় গুরিবাত্তে যিহূদার বেক্‌ আদামানিত্‌ আর শঅরানিত্‌ যঅ। এ কামান্‌ তুমি যাদিমাদি গরঅ।” মাত্তর্‌ লেবীয়গুনে সে কামান্‌ যাদিমাদি ন-গুরিলাক্‌।

২ বংশধর 29:34

ধর্মগুরুগুনে কম্‌ অনায় তারা বেক্‌ পূজ্যে-উৎসর্বর য়েমান চামানি চুলি ন-পারিলাক্‌; সেনত্তে কাম্‌ থুম্‌ ন-অনা সং আর অন্য ধর্মগুরুগুনে সিজি ন-অনা সং তারার্‌ লেবীয় ভেইয়ূনে তারা কামত্‌ বল্‌ দিলাক্‌, কিত্তে নিজোরে সিজি গরানা পৌইদ্যেনে ধর্মগুরুগুনোত্তুন্‌ লেবীয়গুনে আরঅ বেশ্‌ মনযোগী এলাক্‌।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;