২ রাজাবলী 12:3 - Chakma Bible

³ মাত্তর্‌ তবনা ঘরর্ অজল জাগায়ানি ভস্ত গরা ন-অয়; মানুচ্চুনে সেক্কেয়ো সিদু য়েমান্‌ উৎসর্ব গুরিদাক্‌ আর পৌইরেগ্ জ্বালেদাক্‌।

২ রাজাবলী 12:3 ပူးပေါင်းရင်းမြစ်များ

১ রাজাবলী 15:11

তার্‌ পূরোণি মানুচ্‌ দায়ূদো ধোক্ক্যেন্ আসা লগেপ্রভুর চোগোত্‌ যিয়েনি ঠিগ সিয়েন গুরিদো।

১ রাজাবলী 15:14

পূজোর্‌ অজল্‌ জাগায়ানি যু‌নিয়ো তে ভস্ত ন-গরে তো সারা জিংকানিবর্‌ তা মনান্‌ লগেপ্রভু উগুরে ভোক্তিলোই ভর্‌পুণোং এলঅ।

১ রাজাবলী 22:43

যিহোশাফটে বেক্কানি পৌইদ্যেনে তা বাবঅ ধোক্ক্যেন চলিদো, কনদিন্‌অ সে পথ্‌তান্‌ ফেলে ন-যায়। লগেপ্রভুর চোগোত্‌ যিয়েন্‌ ঠিগ্‌ তে সিয়েন গুরিদো। মাত্তর্‌ পূজোর্‌ অজল্‌ জাগায়ানি ভস্ত গরা ন-অয় আর মানুচ্চুনে সিয়েনত্‌ এ্যমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 12:2

ধর্মগুরু যিহোয়াদা যেদকদিন যোয়াশর সল্লা দিয়্যে এলঅ সেদকদিন যোয়াশে লগেপ্রভুর চোগোত্‌ যিয়েনি গম্‌ সিয়েনি গোজ্যে।

২ রাজাবলী 14:4

মাত্তর্‌ উপোসনার অজল জাগায়ানি তে ভস্ত ন-গরে; মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 15:3

অসরিয় তা বাপ্পো অমৎসিয়ো ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো।

২ রাজাবলী 15:35

মাত্তর্‌ উবোসনা অজল্‌ জাগায়ানি তে ভস্ত ন-গরে। মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌। যোথমে লগেপ্রভুর ঘরর্‌ চেরোকিত্তে দেবাল অজল্‌ জাগায়ানির গেট্টুন্‌ সোর্‌গরা ধুরিলো।

২ রাজাবলী 15:4

মাত্তর্‌ উপোসনা অজল্‌ জাগায়ানি তে ভস্ত ন-গরে; মানুচ্চুনে সিদু য়েমান্‌ উৎসর্ব গরানা আর আগর্‌বাট্টি জ্বালা ধুরিলাক্‌।

২ রাজাবলী 18:3

হিষ্কিয় তা পূরোণিমানুচ্‌ দায়ূদো ধোক্ক্যেন লগেপ্রভু চোগেন্দি যিয়েনি গম্‌ সিয়েনি গুরিদো।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

২ রাজাবলী 22:2

লগেপ্রভুর চোগেন্দি যিয়েনি গম্‌ যোশিয় সিয়েনি গুরিদো আর তা পূরোনি মানুচ্‌ দায়ূদো ধোক্ক্যেন চলিদো সে পধত্তুন্‌ ডেনে- বাঙে ন-যেদঅ।

২ বংশধর 31:4

ধর্মগুরু আর লেবীয়গুনে যেনে লগেপ্রভুর রীদি-সুদোমানি পালানা পৌইদ্যেনে নিজোরে পুরোপুরিভাবে কামত্‌ রাগেই পারন্‌ সেনত্তেই তারার্‌ পাওনা ভাগ্‌কো দিবাত্তে তে যিরূশালেমত্‌ বজত্তিগুরিয়্যে মানুচ্চুনোরে উগুম দিলো।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।