২ রাজাবলী 12:16 - Chakma Bible

¹⁶ দুষ-উৎসর্বর আর পাপ-উৎসর্বর টেঙাগুন্‌ লগেপ্রভুর ঘর বাক্‌সুবোত্‌ ন-রাগেদাক; সিগুন্‌ অদঅ ধর্মগুরুগুনোর ভাগ।

২ রাজাবলী 12:16 ပူးပေါင်းရင်းမြစ်များ

নহিমিয় 13:13

ধর্মগুরু শেলিমিয়, ধর্ম-মাস্টর্‌ সাদোক আর পদায় নাঙে এক্কো লেবীয়রে মুই ভান্ডাল্‌-ঘরর্‌ ভারান্‌ দিলুঙ্‌ আর সক্কুরোর্‌ পূঅ, অত্তাৎ মত্তনিয়োর নাদিন্‌ হাননরে তারার্‌ এজাল্‌দিয়্যে ইজেবে নেযেলুঙ্‌। বেক্কুনে এ মানুচ্চুনোরে বিশ্বেজি মনে গুরিদাক্‌। তারা উগুরে তারার্‌ গুট্টি-ভেইয়ূনোর্‌ ভাগ্‌কুন ভাগ্‌ গুরি দেনার্‌ ভারান্‌ দিয়্যে অলঅ।

হোশেয় 4:8

মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।

লেবীয় 4:24

তে সেই ছাগল্লোর্‌ মাঢা উগুরে আঢ্ রাগেব আর পুজ্যে-উৎসর্বর্ য়েমান্নো কাবিবার্‌ জাগানত্‌ লগেপ্রভুর্ মুজুঙোত্‌ সিবে কাবিবো; ইবে এক্কো পাপ-উৎসর্ব।

লেবীয় 4:29

তে সেই পাপ-উৎসর্বর্‌ পাদি ছাগল্লো মাঢা উগুরে আঢ্ রাগেব আর পুজ্যে-উৎসর্বর্ য়েমান্নো কাবিবার্‌ জাগানত্‌ সিবে কাবিবো।

লেবীয় 7:7

পাপ-উৎসর্ব আর দুষ্‌-উৎসর্ব এক্কুই‌ সুদোমে গরা পুরিবো। যে ধর্মগুরুবো এ দ্বিবে উৎসর্বর্‌ যে কনঅ এক্কোর অনুষ্ঠান্‌ গুরিনে উৎসর্ব গুরিয়্যেবোর্ পাপ্‌পানি ঢাগি দিবার্‌ বেবস্থা গুরিবো উৎসর্বর য়েরাগান্‌ সেই ধর্মগুরুবোর্‌ পাওনা অবঅ।

গণাণা 18:19

লগেপ্রভুর নাঙে ইস্রায়েলীয়গুনোর উৎসর্ব গোজ্যে বেক্‌ সুদ্ধো-সাংগ জিনিস্‌-পাদিনি মুই তরে আর তর্‌ ঝি-পূঅগুনোরে নিত্য পাওনা ইজেবে দিলুং। ইয়েনি লগেপ্রভুর চোগোত্‌ তর্‌ আর তর্‌ বংশর বেক্কুনোত্তে এক্কান উমরত্যে ঠিগেদে সুদোম্।”