২ রাজাবলী 11:19 - Chakma Bible

¹⁹ সে পরেন্দি তে শত উগুরে সেনাপতিগুনোরে, রোক্ষ্যে গুরিয়্যেগুনোরে, বাগি চুগিদারুনোরে আর দেজর্‌ বেক্‌ মানুচ্চুনোরে নেযেইনে লগেপ্রভুর ঘরত্তুন্‌ রাজারে নিগিলেই আনিলো। তারা চুগিদারুনোর্‌ গেদো ভিদিরেন্দি সুমিনে রাজঘরত্‌ গেলাক্‌ আর রাজারে রাজ-সিংহাসনত্‌ বোজেলাক্‌।

২ রাজাবলী 11:19 ပူးပေါင်းရင်းမြစ်များ

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

১ রাজাবলী 1:13

তুই ইক্কিনে রাজা দায়ূদো ইদু যেইনে কঅ, ‘মর্‌ গিরোজ্‌ মহারাজ, তর্‌ চাগরানিবোর্‌ ইদু কি তুই ইয়েন কোইনে শমক্‌ ন-গরচ্, তর্‌ পরেন্দি হামাক্কায় তর্‌ পূঅ শলোমনই রাজা অবঅ আর তেয়ই তর্‌ সিংহাসনত্‌ বুজিবো। সালে কিত্তে আদোনিয় রাজা ওইয়্যে।’

১ রাজাবলী 14:27

সেনত্তে রাজা রহবিয়ামে সিয়েনির্‌ বদলে পিদলর্‌ ঢাল বানেল। রাজঘরর্‌ দোরানত্‌ যিদুক্কুন্‌ সৈন্য চুগি দিদাক্‌ তারার্‌ সেনাপতিগুনোর্‌ ইদু তে সিয়েনি রোক্ষ্যে গুরিবার্‌ ভারান্‌ দিলো।

১ বংশধর 29:23

সেক্কে শলোমনে তাহ্ বাপ্পো দায়ূদো জাগানত্‌ রাজা ইজেবে লগেপ্রভুর সিংহাসনত্‌ বুজিলো। তে বেক্কানিন্দি গম ফোলেল আর বেক্‌ ইসায়েল মানুচ্চুনে তা কধা মজিম্‌ চলিদাক্‌।

২ বংশধর 23:19

কনঅ বাবোত্যে অসিজি মানুচ্‌ যেনে সুমিই ন-পারন সেনত্তে তে লগেপ্রভুর ঘরর্‌ গেট্টুনোত্‌ চুগিদারুনোরে রাগেল।

২ বংশধর 23:20

যিহোয়াদা শত উগুরে-সেনাপতিগুনোরে, মুরুব্বীগুনোরে, মানুচ্চুনোর্‌ নেতাগুনোরে আর দেজর্‌ বেক্‌ মানুচ্চুনোরে লোইনে লগেপ্রভুর ঘরত্তুন্‌ রাজারে নিগিলেই আনিলো। তারা অজল্‌ জাগান গেট্টোন্দি রাজঘরত্‌ গেলাক্‌ আর রাজারে রাজ-সিংহাসনত্‌ বোজেলাক্‌।

২ বংশধর 23:5

এক ভাগ্‌ চুগি দিবাক্‌ রাজঘরত্‌ আর এক ভাগ চুগি দিবাক্‌ গড়া-গেট্টোত্‌ আর বাদবাগি বেক্কুনে থেবাক্‌ লগেপ্রভুর ঘর উদোনত্‌।

যিরমিয় 17:25

সালে তমা রাজাগুনে দায়ূদোর সিংহাসনত্ বুজিনে রাজাগিরি গুরিবাক্। তারা, তারার কামগুরিয়্যেগুনে আর যিহূদার মানুচ্চুনে আর যিরূশালেমর আদাম্মেগুনে রথত্ আর ঘোড়াত্ চড়িনে শঅর গেট্‌তোদি এযানা-যানা গুরিবাক্; এ শঅরান কনদিন্‌‌অ মানুচ্ নেইয়্যে ন-অবঅ।

যিরমিয় 22:30

লগেপ্রভু কোইয়্যেদে, “তুই লেগ্, এ মানুচ্চোর যেন কনঅ পুয়ো-ছা নেই। তে তার জিংকানিকালত্ ফোলেই ন-পারিবো আর তার কনঅ পুয়ো-ছায়ো গম্ ন-অবাক। তারাত্তুন কনজনে দায়ূদোর সিংহাসনত্ ন-বজিবাক্ বা যিহূদা দেজঅ উগুরে রাজাগিরি ন-গুরিবাক্।”

যিরমিয় 22:4

তুমি যুনি এ উগুমান পালঅ সালে তমা রাজাগুনে দায়ূদোর সিংহাসনত্ বুজিনে রাজাগিরি গুরিবাক্ আর তারার রাজকর্মচারীগুনে আর মানুচ্চুন নিইনে রথত্ আর ঘোড়াত্ চড়িনে এ রাজঘর গেদো ইন্দি ভিদিরে এবাক্।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।