২ রাজাবলী 11:14 - Chakma Bible

¹⁴ তে চেইনে দেগিলোদে সুদোম মজিম্ রাজা খুদোবো কায়-কুরে থিয়্যেই আঘে। সেনাপতিগুনে আর তূরী বাজেয়্যেগুনে রাজার কায়-কুরে আগন্‌ আর দেজর্‌ বেক্‌ মানুচ্চুনে রঙ্গ-ফুত্তি গত্তন্‌ আর তূরী বাজাদন্‌। ইয়েনি দেগিনে অথলিয়া তা পোজাক্কানি ফাদিনে রঅ ছাড়ি কলঅ, “ইয়েন্‌ দঅ কুজুরোমি গরানা! পুরো কুজুরোমি!”

২ রাজাবলী 11:14 ပူးပေါင်းရင်းမြစ်များ

পত্থম 37:29

পরেদি রূবেণে সে গাত্তো ইধু যেইনে যোষেফরে ন-দেগিনে দুগে তা কাবড়ান ফাদি ফেলেইনে ভেইয়ুনো মুজুঙোত যেইনে কলঅ, “যোষেফে দঅ সে গাদ্‌তোত্‌ নেই। মুই ইক্কিনে কি গুরিম?”

পত্থম 44:13

এ বেপারান্‌ দেগিনে তারা নিজো কাবড়ানি ফাদিলাক্। সে পরেদি তারা গাধা পিদিত্‌ বস্তাগুন্‌ তুলিনে আরঅ শহরঅ মোক্কে ফিরি গেলাক।

১ রাজাবলী 1:25

তে দঅ এচ্চ্যে যেইনে বোউত্‌ বলদ গোরু, পক্তামক্তা গোরুছঅ আর ভেড়া উৎসর্ব গুরিনে রাজার বেক্‌ পূঅগুনোরে, সেনাপতিগুনোরে আর ধর্মগুরু অবিয়াথররে বাত্যেল। ইক্কিনে তারা তা লগে খানা-দানা গত্তন্‌ আর কদন্‌, ‘রাজা আদোনিয় জিংকানিবর্‌ বাঁজোক্‌।’

২ রাজাবলী 11:15

সেক্কে ধর্মগুরু যিহোয়াদা যিগুনো উগুরে সৈন্যদলর ভারান্ এলঅ সে শত উগুরে সেনাপতিগুনোরে এ উগুমান দিলো, “তারে সৈন্যগুনোর সুরোর্‌ সংমোধ্যে রাগেইনে ইয়োত্তুন্‌ নিগিলেনে নেযঅ। যে তার্‌ পিজে পিজে এবঅ তারে মারে ফেলেবে।” ইয়েন আগেন্দি তে উগুম দিয়্যেদে, লগেপ্রভুর ঘর ভিদিরে অথলিয়ারে মারে ফেলানা গম্‌ ন-অবঅ।

২ রাজাবলী 23:3

রাজা মঞ্চ উগুরে থিয়্যেইনে লগেপ্রভুর পধেন্দি আদিবাত্তে আর বেক্‌ মনান-পরাণান্‌ দিইনে তার্‌ বেক্‌ উগুমানি, সুদোমানি আর নিদ্দেশ্‌ছানি মানিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ গুরিলো। সেক্কে বেক্‌ মানুচ্চুনে রাজার লগে এক্কুই শমক্‌ গুরিলাক্‌।

২ রাজাবলী 9:13

সেক্কে সে সেনাপতিগুনে যাদিমাদি গুরিনে তারা কিয়্যে কাবড়ানি নেযেইনে পোইদেগুনো উগুরে যেহূর টেঙঅ তলে পাদি দিলাক্‌। সে পরেন্দি বাঁজি বাজেইনে তারা রঅ ছাড়িনে কলাক্‌, “যেহূই রাজা।” যেহূর আঢত্‌ যোরাম আর অহসিয়োর্‌ মরাণা

২ রাজাবলী 9:23

এ কধাগান শুনিনে যোরামে ঘুরিনে ধেই যেবার্‌ অক্তত্‌ অহসিয়রে ডাগিনে কলঅ, “অহসিয়, এ কুজুরোমিগান।”

১ বংশধর 12:40

ইগুন্‌ বাদেয়ো ইষাখর, সবূলূন আর নপ্তালি চাগালাত্তুন্‌অ মানুচ্চুনে গাধা, উট, খচ্চর আর বলদ পিদিঠ্‌ গুরিনে তারাত্তে হানা আনিলাক্‌। ইস্রায়েল দেজর্‌ মানুচ্চুনোর্‌ মনত্‌ রঙ্গ-ফুত্তি এলঅ বিলিনে তারা বোউত্‌ মোয়দে, ডুমুর আর কিশ্‌মিশোর তাল, আংগুর-রস, তেল আর গোরু, ছাগল আর ভেড়া লোই আন্যন্‌।

২ বংশধর 34:31

রাজা তার্‌ নিজোর্‌ জাগানত্‌ থিয়্যেইনে লগেপ্রভুর পধেন্দি আদিবাত্তে আর বেক্‌ মনান্‌-পরাণান্‌ দিইনে তার্‌ বেক্‌ উগুমানি, সুদোম্‌ আর হুকুমানি মানি চলিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ খেলঅ।

গম্ উপদেজ্ 29:2

গোজেন ভক্ত মানুচ্চুন্ বাড়িলে মান্‌‌জ্যে হুজি অন্, মাত্তর্ পাজি মানুচ্ শাজন্‌গুরিয়্যে অলে মান্‌‌জ্যে ছদ্‌‌ফদান।

লূকে লেখ্যে গম্ হবর্ 19:37

এবাবোত্যেগুরি যীশু যিরূশালেম ইধু এইনে যে পধ্‌‌‌‌তান্ জৈতুন মুড়োত্তুন্ লামি যেয়্যে সেই পধ্‌‌‌‌থানত্ এলঅ। যীশু সমারে তার্ বোউত্ শিচ্চ্য এলাক্। সেই শিচ্চ্যগুনে তার্ যে বেক আমক্ কামানি দেক্কোন্ সিয়েনিত্তে খুজীয়্যে রঅ ছাড়িনে গোজেনরে বাঈনী গুরিনে কুয়ো ধুরিলাক্,