২ রাজাবলী 10:6 - Chakma Bible

⁶ সেক্কে যেহূ তারা ইদু ইয়েন্‌ কোইনে দ্বিলম্বর চিদিগান লিগিলো, “তুমি যুনি মঅ পক্ষে থাগঅ আর মঅ উগুমান্‌ পালেবাত্তে চঅ সালে তমা গিরোজর বংশধরুনোর্‌ মাঢাগুন্‌ কাবি নেযেইনে এজেত্তে কেল্যে এ সময়ানত্‌ যিষ্রিয়েলত্‌ মইদু এজঅ।” আহাবর সে সত্তুরজন বংশধরে সেক্কে শঅর আজল্‌ নেতাগুনো ইদু এলাক্‌। তারা তারারে দেগাশুনো গুরিদাক্‌।

২ রাজাবলী 10:6 ပူးပေါင်းရင်းမြစ်များ

২ রাজাবলী 10:5

সেনত্তে রাজঘরর্‌ কাবিদ্যঙো, শঅরর্‌ শাজন্‌গুরিয়্যেবো, বুড়ো নেতাগুনে আর আহাবর বংশধরুনোর রোক্ষ্যেগুরিয়্যেবো যেহূরে এ কধাগান কোই পাদেল, “আমি তঅ চাগর্‌। তুই যিয়েন্‌ কবে আমি সিয়েনই গুরিবোং। আমি কাররে রাজা ন-বানেবং; তুই যিয়েন্‌ গম্‌ বিলি মনে গরচ্‌ সিয়েনই গর্‌।”

২ রাজাবলী 10:7

যেহূর চিদিগান্‌ লুমোনার পরেন্দি সে মানুচ্চুনে সে সত্তুরজনরে ধুরিনে মারে ফেলেলাক্‌। সে পরেন্দি লেইয়োত্‌ ভোরেইনে মাধাগুন্‌ যিষ্রিয়েলত্‌ যেহূর ইদু পাধেই দিলাক্‌।

২ রাজাবলী 10:9

তার্‌কেল্যে বেন্যে যেহূ বারেন্দি গেলঅ। তে বেক্‌ মানুচ্চুনোর মুজুঙাত্ থিয়্যেইনে কলঅ, “তমার্‌ কনঅ দুষ নেই। মুয়ই মঅ গিরোজ্‌সো বিরুদ্ধে কুজুরোমি গুরিনে তারে মারে ফেলেয়োং, মাত্তর্‌ ইগুনোরে বেক্কুনোরে মারিলো কন্না?

২ রাজাবলী 9:32

যেহূ সেক্কে উগুরে জান্দালানন্দি চেইনে কলঅ, “মঅ পক্ষেন্দি কন্না আঘে? কন্না আঘে?” সেক্কে দুই-তিন জন রাজঘরত্ কামগুরিয়্যে উগুরেত্তুন্‌ তাইন্দি চেলাক্‌।

ইয়োব 21:19

মান্‌জ্যে কন্‌, এক্কো মান্‌জ্যর সাজা গোজেনে তা পূঅগুনোত্তে জমা গুরি রাগায়। মাত্তর্‌ গোজেনে যেনে সেই মানুচ্চুনোরে সাজা দে যেনে তে তার্‌ দুজ্‌ছান বুঝি পারে।

গণাণা 25:4

লগেপ্রভু মোশিরে কলঅ, “তুই বেক্‌ ইস্রায়েলীয় নেতাগুনোরে ধুরিনে মারে ফেলা আর দিনো পহ্‌রত্‌ মঅ মুজুঙোত্‌ তারার্‌ কিয়্যেনি ফেলে রাগেচ্‌। সেক্কে ইস্রায়েলীয়গুনো উগুরেত্তুন্‌ মর্‌ সেই রাক্কান্‌ দূর অবঅ।”

মথি লেখ্যে গম্ হবর্ 12:30

যুনি কনজনে মঅ পক্ষে ন-থায় সালে তে মঅ বিপক্ষে আঘে। যে মঅ সমারে ন-কুড়োই তে ছিদি দে।

লূকে লেখ্যে গম্ হবর্ 9:50

যীশু তারে কলঅ, “আর মানা ন-গুরিচ্, কিয়া যে তমা বিপক্ষে ন-থায় তে দঅ তমা পক্ষে আঘে।”

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।