২ রাজাবলী 10:4 - Chakma Bible

⁴ মাত্তর্‌ তারা অমকদ দোরেইনে কলাক্‌, “দ্বিজন রাজা যেক্কে যেহূর বিরুদ্ধে যেই ন-পারিলাক্‌ সেক্কে আমি কি গুরি পারিবোং?”

২ রাজাবলী 10:4 ပူးပေါင်းရင်းမြစ်များ

২ রাজাবলী 9:24

সেক্কে যেহূ বেক্‌ বলান্দোই নিজোর্‌ ধনুলোই যোরামর দ্বিকানা সংমোধ্যে সেল্‌লো মারিলো। সেল্‌লো যেইনে তা পরাণত্‌ লাগিলো আর তে রথ্‌তানত্তুন্‌ পড়িলো।

২ রাজাবলী 9:27

যিয়েন্‌ ঘুদি যেইয়্যে সিয়েন্‌ দেগিনে যিহূদার রাজা অহসিয় বৈৎ-হাগ্‌গানর পথ্‌তানন্দি ধেই গেলঅ। যেহূ তা পিজেন্দি লোড়াদে লোড়াদে রঅ ছাড়িনে কলঅ, “তারেয়ো মারে ফেলঅ।” সেক্কে মানুচ্চুনে যিব্‌লিয়মর কায়কুরে গূর নাঙে উদিবার্‌ পথ্‌তানত্‌ অহসিয়রে তার রথ্‌তান ভিদিরে মারিলাক্‌, মাত্তর্‌ তে মগিদ্দোত ধেই গেলঅ আর সিদু মুরি গেলঅ।

ইয়োব 41:8

তুই যুনি তারে ধুরিবাত্তে যাচ্ সালে যে যুদ্ধোগান অবঅ সিয়েন তুই কনদিন্‌অ ভুলি ন-যেবে; তুই আর্ কনদিন্‌অ সিয়েন গুরিবাত্তে ন-যেবে।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

লূকে লেখ্যে গম্ হবর্ 14:31

“যুনি এক্কো রাজা অন্য আর এক্কো রাজা বিরুদ্ধে যুদ্ধো গুরিবাত্যে যায় সালে তে পত্তমে বৈইনে চিন্তে গুরিবো, ‘কুড়ি আজার্ সৈন্য লোইনে যিবে মঅ বিরুদ্ধে যুদ্ধো গুরিবাত্যে এজের্, বানা দশ আজার্ সৈন্য লোইনে মুই তারে মানা গুরি-পারিম্ নাকি?’