২ রাজাবলী 10:29 - Chakma Bible

²⁹ মাত্তর্‌ নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়েনিত্তুন্‌ তে সুরি ন-এজে। সিয়েনি অলঅ বৈথেল আর দানত্‌ সোনার্‌ গোরু ছগুনোরে পূজো গরানা।

২ রাজাবলী 10:29 ပူးပေါင်းရင်းမြစ်များ

পত্থম 20:9

সেক্কে অবীমেলকে অব্রাহামরে ডাগিনে কলঅ, তুই আমা লগে ইয়েন্‌ কেধোক্ক্যেন বেবহার গুরিলে? মুই তইধু কি দুজ্‌ গোজ্যং, তুই মরে আর মঅ রেজ্যগানরে এদক্‌ পাপত্‌ ফেলেয়োচ্‌? এধোক্ক্যেন বেবহার গরানা তর্‌ উচিত্‌ ন এলঅ।

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

২ রাজাবলী 10:28

এধোক্ক্যেন্‌ গুরিনে যেহূ ইস্রায়েলর ভিদিরে বাল দেবেদার পূজো বেন্ গুরি দিলো।

২ রাজাবলী 10:31

তো যেহূ পুরো মনান্‌ দিইনে ইস্রায়েলর গোজেন লগেপ্রভুর রীদি-সুদোমানি মানি চলানার পৌইদ্যেনে উজিয়ার্‌ ন-অলঅ। যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়োত্তুন্‌ তে সুরি ন-এলঅ।

২ রাজাবলী 13:11

লগেপ্রভুর চোগোত্‌ যিয়েনি গম্ নয় তে সিয়েনি গুরিদো আর নবাটর পুয়ো‌ যারবিয়ামে ইস্রায়েলরে দিইনে যেদক্কানি পাপ গোরেয়্যে যিহোয়াশে সিয়েনি গরা ধুরিলো, সিয়েনিত্তুন্‌ নঅ-ফিরিলো।

২ রাজাবলী 13:2

লগেপ্রভুর চোগেন্দি যিয়েনি ভান্ন্যেই তে সিয়েনি গুরিদো আর নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে তেয়ো সিয়েনি গুরিদো; সিয়েনিত্তুন্‌ তে নঅ-ফিরিলো।

২ রাজাবলী 14:24

লগেপ্রভুর চোগেন্দি যিয়েনি গম্ নয় তে সিয়েনি গুরিদো আর নবাটর পুয়ো‌ যারবিয়ামে ইস্রায়েলরে দিইনে যেদক্কানি পাপ গোরেয়্যে তে সে পাপ্পানি গরা ধুরিলো।

২ রাজাবলী 15:18

লগেপ্রভুর চোগেন্দি যিয়েনি বজং তে সিয়েনি গুরিদো। তার পুরো রাজাগিরির সময়োত্‌ তে সে পাপ্পানি গরা ধুরিলো যিয়েনি নবাটর পুয়ো যারবিয়ামে ইস্রায়েলরে দিইনে গোরেয়্যে।

২ রাজাবলী 15:24

লগেপ্রভুর চোগোত্‌ যিয়েনি বজং পকহিয় সিয়েনি গুরিদো। নবাটর পুয়ো যারবিয়ামে ইস্রায়েলরে দিইনে যে পাপ্পানি গোরেয়্যে পকহিয় সে পাপ্পানি গরা ধুরিলো।

২ রাজাবলী 15:28

লগেপ্রভুর চোগেন্দি যিয়েনি বজং তে সিয়েনি গুরিদো। নবাটর পুয়ো যারবিয়ামে ইস্রায়েলরে দিইনে যে পাপ্পানি গোরেয়্যে পেকহ সে পাপ্পানি গরা ধুরিলো।

২ রাজাবলী 15:9

তে তা পূরোণি মানুচ্চুনো ধোক্ক্যেন লগেপ্রভুর চোগোত্‌ যিয়েনি বজং সিয়েনি গুরিদো। নবাটর পুয়ো যারবিয়ামে ইস্রায়েলরে দিইনে যেদক্কানি পাপ গোরেয়্যে সখরিয় সে পাপ্পানি গরা ধুরিলো।

২ রাজাবলী 17:22

ইস্রায়েলর মানুচ্চুনে যারবিয়ামর বেক্‌ পাপর্‌ পধেন্দি যেইয়োন্‌, সিয়েনিত্তুন্‌ ফিরি ন-এজন্‌।

২ রাজাবলী 3:3

মাত্তর্‌ নবাটর পুয়ো যারবিয়াম ইস্রায়েলরে দিইনে যেদক্কানি পাপ গোজ্যে যোরামেয়ো সিয়েনি গরা ধুরিলো। তে সিয়েনিত্তুন্‌ ন-ফিরিলো।

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

যাত্রা 32:4

মানুচ্চুনে হারোণরে যিয়েনি দিলাক্‌ সিয়েনি গোলেইনে ছাচি ছাজাই মিশিন্দোই তে গোরু ছঅ ধোক্ক্যেন এক্কো মূত্তি বানেল। সিবে দেগিনেই ইস্রায়েলীয়গুনে কলাক্, “ভেইলক্‌, ইবে ভিদিরে আগন্‌ তমার দেব-দেবেদাগুন্‌। মিসর্‌ দেজত্তুন্‌ এই দেব-দেবেদাগুনে তমারে নিগিলে আন্যন্‌।”

যিহিষ্কেল 23:8

মিসরত্ যে বেশ্যেগিরি তে আরাম্ভ গোজ্যে সিয়েন তে ছাড়ি ন-দে; সিদু তার কম্ বয়জত্ মান্‌জ্যে তা সমারে ঘুম যেইনে তার খাটি গাবুজ্যে জিংকানিগান বর্‌বাত্ গোজ্যন্ আর তারার্ কামনাগান তা উগুরে ঢালি দিয়্যে।

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

১ শমূয়েল 2:24

নাদে, নাদে, মর্‌ পূঅগুন, লগেপ্রভুর মানুচ্চুনোর যেদক্কানি কধা কুয়ো কি গত্‌‌তে শূন্যং সিয়েনি গম্‌ নয়।