২ রাজাবলী 10:27 - Chakma Bible

²⁷ সে পরেন্দি তারা বাল দেবেদার পূজোর্‌ পাত্তর্‌বো ভাঙি দিলাক্‌ আর মন্দিরান্‌ ভাঙি ফেলেলাক্‌। মানুচ্চুনে সেক্কেত্তুন্‌ ধুরি এজঅ সং সিয়েনরে আঘাছাল্‌ ইজেবে বেবহার গুরি এত্তন্‌।

২ রাজাবলী 10:27 ပူးပေါင်းရင်းမြစ်များ

১ রাজাবলী 16:32

তে শমরিয়াত্‌ বাল দেবেদাত্তে যে মন্দিরান বানেয়্যে সিয়েনত্‌ তাত্তে এক্কান্‌ ডালিপূজো বানেল।

২ রাজাবলী 10:28

এধোক্ক্যেন্‌ গুরিনে যেহূ ইস্রায়েলর ভিদিরে বাল দেবেদার পূজো বেন্ গুরি দিলো।

২ রাজাবলী 11:18

সে পরেন্দি দেজর্‌ বেক্‌ মানুচ্চুনে বাল দেবেদার মন্দিরোত্‌ যেইনে সিয়েন্‌ ভাঙি ফেলেলাক্‌। তারা সে জাগানর্‌ ডালিপূজোগুন আর মূত্তিগুন্‌ ভাঙিনে কট্টা কট্টা গুরি ফেলেলাক্‌ আর বাল দেবেদার ধর্মগুরু মত্তনরে পূজোগুনোর্‌ মুজুঙোত্‌ মারে ফেলেলাক্‌। পরেন্দি ধর্মগুরু যিহোয়াদা লগেপ্রভুর ঘরত্‌ চুগিদার নেযেল।

২ রাজাবলী 18:4

তে পূজো অজল্‌ জাগায়ানি ভস্ত গুরিলো, পূজো পাত্তরুন্‌ ভাঙিলো আর আশেরা-খুদোগুন্‌ কাবি ফেলেল। মোশির বানেয়্যে পিদোল সাপ্পো তে ভাঙিনে কট্টা কট্টা গুরিলো, কিত্তে ইস্রায়েলীয়গুনে সে সময় সং সে সাপ্পুনো নাঙে আগর্‌বাট্টি জ্বালাদন্‌। পিদোলর সাপ্পো নাঙান্‌ অলদে নহুষ্টন।

২ রাজাবলী 3:2

লগেপ্রভুর চোগোত্‌ যিয়েনি ভান্ন্যেই তে সিয়েনি গুরিদো, মাত্তর্‌ তে তার মা-বাবঅ ধোক্কেন্‌ ন-এলঅ। তা বাপ্পো বাল দেবেদা পূজোত্তে যে পাত্তর্‌বো থিয়্যেই রাগেয়্যে সিবে তে তুলি ফেলেই দিয়্যে।

ইষ্রা 6:11

মুই আরঅ উগুম দুয়োঙর্, যুুদি কেঅ এই উগুমান অমান্য গরে সালেন্ তা ঘরত্তুন্ এক্কান তক্তা নিগিলেই আনিনে সিয়েন্দোই তারে এফুর-উফুর্ গরা অবঅ। তার্ এই অন্যেয়ানত্যে তা ঘরান্ এক্কান আঢং-কজরার্ কুড় বানা অবঅ।

যাত্রা 34:13

তুমি তারার্‌ ডালিপূজোগুন্‌ ভাঙি ফেলেবা, তারার্‌ পূজোর্‌ পাত্তরুন্‌ কট্টা কট্টা গুরি ফেলেবা আর তারার্‌ পূজোর্‌ আশেরা-খুদোগুন্‌ কাবি ফেলেবা।

দানিয়েল 2:5

জোবত্ রাজা তারারে কলঅ, “মুই ঠিগ্ গোজ্যংগে, মঅ স্ববনান্ কি আর সিয়েনর্ ভেদ্‌তান্ কি সিয়েন যুনি তুমি কোই ন-পার সালে তমারে কট্টা কট্টা গুরিনে কাবি ফেলা অবঅ আর তমা ঘরানি কাজর কুড়্ গরা অবঅ।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

দ্বি’লম্বর বিররণ 7:5

তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।