২ রাজাবলী 10:21 - Chakma Bible

²¹ যেহূ সেক্কে ইস্রায়েলর বেক্‌ জাগানিত্‌ হবর্‌ পাদেল। সেক্কে বাল দেবেদার বেক্‌ পূজোগুরিয়্যেগুনে এইনে আঝিল্ অলাক্‌, কনজনে বাদ ন-পলাক্‌। তারা বাল দেবেদার মন্দিরোত্‌ সমানার পরেন্দি এন্‌ কাদাকাত্যে অলঅ, মন্দিরোর্‌ এক কিত্তেত্তুন্‌ ধুরি অন্য কিত্তেন্দি সং মান্‌জ্যে সয়-সাগজ্যে অলাক্‌।

২ রাজাবলী 10:21 ပူးပေါင်းရင်းမြစ်များ

১ রাজাবলী 16:32

তে শমরিয়াত্‌ বাল দেবেদাত্তে যে মন্দিরান বানেয়্যে সিয়েনত্‌ তাত্তে এক্কান্‌ ডালিপূজো বানেল।

২ রাজাবলী 10:22

সেক্কে যেহূ পোজাক্‌-চুগিদার্‌বোরে কলঅ, “বাল দেবেদা পূজোগুরিয়্যে বেক্কুনোত্তে পোজাক্‌ আন।” সেক্কে তে তারাত্তে পোজাক্‌ নিগিলেনেই আনিলো।

২ রাজাবলী 11:18

সে পরেন্দি দেজর্‌ বেক্‌ মানুচ্চুনে বাল দেবেদার মন্দিরোত্‌ যেইনে সিয়েন্‌ ভাঙি ফেলেলাক্‌। তারা সে জাগানর্‌ ডালিপূজোগুন আর মূত্তিগুন্‌ ভাঙিনে কট্টা কট্টা গুরি ফেলেলাক্‌ আর বাল দেবেদার ধর্মগুরু মত্তনরে পূজোগুনোর্‌ মুজুঙোত্‌ মারে ফেলেলাক্‌। পরেন্দি ধর্মগুরু যিহোয়াদা লগেপ্রভুর ঘরত্‌ চুগিদার নেযেল।

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

ফগদাং পেইয়্যে 16:16

ইব্রীয় কধানি যে জাগায়ানর নাঙান্ হরমাগিদোন, ভান্ন্যেই আত্মাগুনে সেই রাজাগুনোরে সিয়েনত্ থুবেলাক্।

বিচের গুরিয়্যেগুন 16:27

সে মন্দিরোত্‌ ভালোক্কুন্‌ মরদ আর মিলে এগত্তর্‌ ওইয়োন, আর পলেষ্টীয়গুনোর বেক্‌ শাজন্‌গুরিয়্যেগুনেয়ো সিয়েনত্‌ এলাক্‌। ছালঅ উগুরেত্তুন পেরায়্‌ তিন আজার মরদ আর মিলেই শিম্‌শোনর তামাজা দেখ্যন্‌।