২ রাজাবলী 10:19 - Chakma Bible

¹⁹ ইক্কিনে বাল দেবেদার বেক্‌ ভাববাদীগুনোরে, পূজোগুরিয়্যেগুনোরে আর ধর্মগুরুগুনোরে তুমি ডাগি আনঅ। চেবা যেনে কনজনে বাদ ন-পড়ন্‌, কিত্তে বাল দেবেদার নাঙে মুই এক্কো দাঙর্‌ এ্যমান উৎসর্বর বেবস্থা গুরিবাত্তে যাঙর্‌। সেক্কে কনজনে যুনি ন-এজন্‌ সালে তারে মারে ফেলা অবঅ।” মাত্তর্‌ এলে যেহূ বাল দেবেদার পূজোগুরিয়্যেগুনোরে ভস্ত গুরিবাত্তে এ বুদ্ধিগান গোজ্যন্‌।

২ রাজাবলী 10:19 ပူးပေါင်းရင်းမြစ်များ

১ রাজাবলী 18:19

ইক্কিনে মানুচ্‌ পাদেইনে ইস্রায়েলর্‌ বেক্কুনোরে কর্মিল মুড়োবোত্‌ মইদু এগত্তর্‌ গর্‌। ঈষেবলের টেবিলোত্‌ বাল দেবেদার যে চেরশঅ পঞ্চাশজন ভাববাদী আর আশেরার চেরশঅ জন ভাববাদীরে হানা-দানা হাবেইনে তারারে আন্‌।”

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

২ রাজাবলী 10:18

সে পরেন্দি যেহূ বেক্‌ মানুচ্চুনোরে এগত্তর্‌ গুরিনে তারারে কলঅ, “আহাবে বাল দেবেদার পূজো সামান্য গোজ্যে, মাত্তর্‌ যেহূ তার পূজো গুরিবোদে বোউত্‌ বেশ্‌।

২ রাজাবলী 3:13

ইলীশায় ইস্রায়েল রাজারে কলঅ, “তঅ সমারে মর্‌ কি মিজেনা? তুই তঅ বাপ্পো বা মাবো ভাববাদীগুনোর ইদু যাহ্।” জোবত্‌ ইস্রায়েল রাজা কলঅ, “না, নঅ-যেম্‌, কিত্তে মোয়াবর আঢত্‌ তুলি দিবাত্তে গোজেনে আমারে তিন রাজারে ডাগিনে এগত্তর্‌ গোজ্যে।”

ইয়োব 13:7

গোজেনর পক্ষ ওইনে কি তুমি অন্যেই কধা কবা? তার্‌ ওইনে কি ছলনার্‌ কধা কবা?

গম্ উপদেজ্ 29:5

যে মানুচ্চো পাড়াল্যেগুনোর চাম্‌‌চাগিরি গরে তে নিজো টেঙত্ তলে জালান্ পাদে।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

১ থিষলনীকীয় 2:3

আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;