২ রাজাবলী 10:14 - Chakma Bible14 সেক্কে যেহূ উগুম দিলো, “তারারে জেদাবাদে ধরঅ।” মানুচ্চুনে তারারে জেদাবাদে ধুরিলাক্ আর সে জাগার কূয়োবোর্ কায়কুরে তারারে মারে ফেলেলাক্। তারা সোংখ্যেন্দি এলাক্কে বিয়াল্লিশজন। তারাত্তুন্ একজনরেয়ো তে বাঁজেই ন-রাগেলাক্। အခန်းကိုကြည့်ပါ။ |
২ রাজাবলী 10:14
11 ပူးပေါင်းရင်းမြစ်များ
ইয়েন পরেন্দি যেহূ নিগিলিনে শমরিয়ার ইন্দি গেলঅ। পদথ্ এ্যমান চোরেইয়্যেগুনোর আদামান্ বৈৎ-একদদ যিহূদার রাজা অহসিয়োর বংশর কয়েক্কো মান্জ্যর লগে তার দেগা অলঅ। তে তারারে পূযোর্ গুরিলো, “তুমি কন্না?” তারা কলাক্, “আমি অহসিয়োর বংশর মানুচ্। আমি রাণী ঈষেবলর পুয়োগুনোরে আর রাজগিরির্ বেক্কুনোরে ভালেদি জানেবাত্তে এচ্ছ্যেই।”
সিয়োত্তুন্ যানার পরেন্দি রেখবর পুয়ো যিহোনাদবর লগে যেহূর দেগা অলঅ। তে যেহূর লগে দেগা গুরিবাত্তে এইচ্ছ্যে। যেহূ তারে ভালেদি জানেইনে কলঅ, “মুই যেধোক্ক্যেন্ তমা পক্ষেন্দি আগং সেধোক্ক্যেন্ তুইয়ো কি মর্ পক্ষেন্দি আগচ্?” জোবত্ যিহোনাদবে কলঅ, “অয়, আগং।” যেহূ কলঅ, “যুনি সিয়েনই অয় সালে তর্ আত্তান্ বাবেই দে।” যিহোনাদবে সিয়েনই গুরিলো আর যেহূ তারে রথ্তানত্ তুলি নিলো।
সেক্কে যেহূ তারা ইদু ইয়েন্ কোইনে দ্বিলম্বর চিদিগান লিগিলো, “তুমি যুনি মঅ পক্ষে থাগঅ আর মঅ উগুমান্ পালেবাত্তে চঅ সালে তমা গিরোজর বংশধরুনোর্ মাঢাগুন্ কাবি নেযেইনে এজেত্তে কেল্যে এ সময়ানত্ যিষ্রিয়েলত্ মইদু এজঅ।” আহাবর সে সত্তুরজন বংশধরে সেক্কে শঅর আজল্ নেতাগুনো ইদু এলাক্। তারা তারারে দেগাশুনো গুরিদাক্।
ကြော်ငြာတွေ