২ রাজাবলী 10:12 - Chakma Bible

^12-13 ইয়েন পরেন্দি যেহূ নিগিলিনে শমরিয়ার ইন্দি গেলঅ। পদথ্‌ এ্যমান চোরেইয়্যেগুনোর আদামান্‌ বৈৎ-একদদ যিহূদার রাজা অহসিয়োর বংশর কয়েক্কো মান্‌জ্যর লগে তার দেগা অলঅ। তে তারারে পূযোর্‌ গুরিলো, “তুমি কন্না?” তারা কলাক্‌, “আমি অহসিয়োর বংশর মানুচ্‌। আমি রাণী ঈষেবলর পুয়োগুনোরে আর রাজগিরির্ বেক্কুনোরে ভালেদি জানেবাত্তে এচ্ছ্যেই।”

২ রাজাবলী 10:12 ပူးပေါင်းရင်းမြစ်များ

২ রাজাবলী 10:11

পরেন্দি যেহূ যিষ্রিয়েলত্‌ আহাবর বংশর বাদ‌্‌বাগি মানুচ্চুনোরে, তার্‌ বেক্‌ মুরুব্বীগুনোরে, তার আজল সমাজ্যেগুনোরে আর তার ধর্মগুরুগুনোরে মারে ফেলেল। তারাত্তুন্‌ আর কনজনে বাঁজি ন-রলাক্‌।

২ রাজাবলী 10:14

সেক্কে যেহূ উগুম দিলো, “তারারে জেদাবাদে ধরঅ।” মানুচ্চুনে তারারে জেদাবাদে ধুরিলাক্‌ আর সে জাগার কূয়োবোর্‌ কায়কুরে তারারে মারে ফেলেলাক্‌। তারা সোংখ্যেন্দি এলাক্কে বিয়াল্লিশজন। তারাত্তুন্‌ একজনরেয়ো তে বাঁজেই ন-রাগেলাক্।

২ বংশধর 22:8

যেহূ যেক্কেনে আহাব বংশর মানুচ্চুনোরে সাজা দের্‌ সে অক্তত্‌ তে অহসিয়র বল্ দিয়্যে যিহূদার নেতাগুনোরে আর তার্‌ বেক্‌ ভেই পুদ্‌তুনোরে দেগিনে তারারে মারে ফেলেল।