২ রাজাবলী 10:11 - Chakma Bible

¹¹ পরেন্দি যেহূ যিষ্রিয়েলত্‌ আহাবর বংশর বাদ‌্‌বাগি মানুচ্চুনোরে, তার্‌ বেক্‌ মুরুব্বীগুনোরে, তার আজল সমাজ্যেগুনোরে আর তার ধর্মগুরুগুনোরে মারে ফেলেল। তারাত্তুন্‌ আর কনজনে বাঁজি ন-রলাক্‌।

২ রাজাবলী 10:11 ပူးပေါင်းရင်းမြစ်များ

১ রাজাবলী 14:10

ইয়েনত্তে মুই যারবিয়াম বংশবো উগুরে যাদিমাদি দযা আনি দিম্‌। তার্‌ বংশবোত্তুন্‌ বেক্‌ মরত্তুনোরে মুই শেজ্‌ গুরি দিম-তে চাগর্‌ ওক্‌ বা গিরোজ্‌ ওক্‌। মানুচ্চুনে যেধোক্কেন গুরিনে ঝান্দালোই ঘু-কাজান্‌ সেধোক্কেন গুরিনে মুই যারবিয়ামর্‌ বংশবোরে এক্কুবারে শেজ্‌ গুরি দিম্‌।

১ রাজাবলী 15:29

তে রাজা ওইনে যারবিয়ামর্‌ ঘোর্‌বোগুনোর্‌ বেক্কুনোরে মারে ফেলেল। লগেপ্রভু তা চাগর্‌ শীলোনীয় ভাববাদী অহিয়োর্‌ মাধ্যমে যে কধানি কোইয়্যে সেই মজিম বাশা যারবিয়ামর ঘরবোগুনোর বেক্কুনোরে ভস্ত গুরি ফেলেল।

১ রাজাবলী 16:11

সিংহাসনত্‌ বুজিনে রাজাগিরির আরাম্ভত্‌ সিম্রি বাশার বংশর বেক্কুনোরে মারে ফেলেল। কুদুম্মো-সমাজ্যে কনঅ মরদরে তে বাঁজেই ন-রাগেল।

১ রাজাবলী 18:19

ইক্কিনে মানুচ্‌ পাদেইনে ইস্রায়েলর্‌ বেক্কুনোরে কর্মিল মুড়োবোত্‌ মইদু এগত্তর্‌ গর্‌। ঈষেবলের টেবিলোত্‌ বাল দেবেদার যে চেরশঅ পঞ্চাশজন ভাববাদী আর আশেরার চেরশঅ জন ভাববাদীরে হানা-দানা হাবেইনে তারারে আন্‌।”

১ রাজাবলী 18:40

সেক্কে এলিয় তারারে এ উগুমানি দিলো, “বাল দেবেদার ভাববাদীগুনোরে ধরঅ। তারার্‌ একজনরেয়ো ধেই যেবাত্তে ন-দুয়ো।” সেক্কে মানুচ্চুনে তারারে ধুরি ফেলেলাক্‌। এলিয় তারারে কীশোন কিজিঙোত্‌ নেযেইনে সিদু তারারে মারে ফেলেল।

১ রাজাবলী 21:22

মুই তঅ বংশবোরে নবাটর পূঅ যারবিয়াম আর অহিয়োর্‌ পূঅ বাশার বংশ ধোক্ক্যেন্ গুরিম্‌, কিত্তেই তুই মরে রাগ তুলি দুয়োচ্‌ আর ইস্রায়েলরে দিইনে পাপ গোরেয়োচ্‌।

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

২ রাজাবলী 10:12

ইয়েন পরেন্দি যেহূ নিগিলিনে শমরিয়ার ইন্দি গেলঅ। পদথ্‌ এ্যমান চোরেইয়্যেগুনোর আদামান্‌ বৈৎ-একদদ যিহূদার রাজা অহসিয়োর বংশর কয়েক্কো মান্‌জ্যর লগে তার দেগা অলঅ। তে তারারে পূযোর্‌ গুরিলো, “তুমি কন্না?” তারা কলাক্‌, “আমি অহসিয়োর বংশর মানুচ্‌। আমি রাণী ঈষেবলর পুয়োগুনোরে আর রাজগিরির্ বেক্কুনোরে ভালেদি জানেবাত্তে এচ্ছ্যেই।”

২ রাজাবলী 23:20

যোশিয় সে ডালিপূজোগুনো উগুরে সিদুগো ধর্মগুরুগুনোরে ডালি দিলো আর সিগুনো উগুরে মান্‌জ্য আড়ুন পুড়িলো। সে পরেন্দি তে যিরূশালেমত্ ফিরি গেলঅ।

২ রাজাবলী 9:7

তর্‌ গিরোজ্‌ আহাবর বংশবোরে তুই ভস্ত গুরিবে। ঈষেবলে মঅ চাগরুনোরে, অত্তাৎ ভাববাদীগুনোরে আর লগেপ্রভুর অন্য বেক্‌ চাগরুনোরে যে লো ঝোরেয়্যে সিয়েনর হেনাবো মুই সুজিম্‌।

২ রাজাবলী 9:9

মুই তার্‌ বংশবোরে নবাটর পুয়ো যারবিয়ামর বংশবো ধোক্ক্যেন্‌ গুরিম আর অহিয়োর পূয়ো বাশার বংশ ধোক্ক্যেন্‌।

২ বংশধর 22:7

ইয়েনর্‌ মাধ্যমে গোজেনে অহসিয়র পতন ঘোদেল। অহসিয় সিদু লুমিনে যোরাম লগে নিম্‌শির পুয়ো যেহূর বিরুদ্ধে যুদ্ধো গুরিবাত্তে গেলঅ। এ যেহূরে লগেপ্রভু আহাবর বংশবোরে ভস্ত গুরিবাত্তে অভিষেগ্ গোজ্যে।

২ বংশধর 22:8

যেহূ যেক্কেনে আহাব বংশর মানুচ্চুনোরে সাজা দের্‌ সে অক্তত্‌ তে অহসিয়র বল্ দিয়্যে যিহূদার নেতাগুনোরে আর তার্‌ বেক্‌ ভেই পুদ্‌তুনোরে দেগিনে তারারে মারে ফেলেল।

ইয়োব 18:19

নিজো জাদ ভিদিরে তার্‌ কনঅ গুট্টি ন-থেবাক্‌; তে যিদু থেদঅ সাৎ সিয়েনত্‌ আর কনজন ন-থেবাক্।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

হোশেয় 1:4

সেক্কে লগেপ্রভু হোশেয়রে কলঅ, “তুই তা নাঙান্ যিষ্রিয়েল রাগা, কিত্যে যিষ্রিয়েল শঅরত্ বোউত মান্‌জ্যরে যেহূ মারে ফেলেয়্যে বিলি মুই তা বংশবোরে যাদিমাদি সাজা দিম আর ইস্রায়েল রেজ্যগানরে শেজ্ গুরি দিম।‌‌

যিহোশূয় 10:30

লগেপ্রভু সে শঅরান আর সিদুগোর্ রাজাবোরে ইস্রায়েলীয়গুনো আঢত্‌ তুলি দিলো। যিহোশূয় সে শঅরর্‌ মানুচ্চুনোরে আর বেক্‌ জেদা পরাণবলাগুনোরে মারে ফেলেল, কাররে বাঁজেই ন-রাগেল। তে যিরীহো রাজার যে অবস্থা গোজ্যে সিদুগোর্ রাজার অবস্থায়ো সেধোক্ক্যেন্‌ গুরিলো।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।