15 সেক্কে লগেপ্রভু দূত্তো এলিয়রে কলঅ, “তুই তাহ্ সমারে তলে যাহ্, তারে ন-দোরেচ্।” সেনত্তে এলিয় তাহ্ সমারে লামিনে রাজার্ ইদু গেলঅ।
ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্শিজ্চান্ অবদে দাঙর্।”
এলিয় কলদে, “মুই যিবেরে সেবা গরঙ্, অত্তাৎ গোদা সংসারানর্ গিরোজ্ জেদা লগেপ্রভুরে শমক্ হেইনে কঙর্, মুই এচ্ছ্যে আহাবর্ মুজুঙোত্ হামাক্কায় আঝিল্ ওম্।”
চাহ্, আগাজত্তুন্ আগুন পড়িনে পত্তম্ দ্বিজন সেনাপতি আর তারার্ বেক্ সৈন্যগুন পুড়ি গেলাক্। মাত্তর্ এবেরা তুই মঅ পরাণান্ রোক্ষ্যে গর্।”
মাত্তর্ লগেপ্রভুর্ দূত্তো তিশ্বীয় এলিয়রে কলঅ, “তুই যেইনে শমরিয়া রাজার পাদেয়্যে মানুচ্চুনোর্ লগে দেগা গুরিনে তারারে কঅ, ‘ইস্রায়েলত্ কি গোজেনে নেই, তুমি ইক্রোণর দেবেদা বাল্-সবূবর ইদু পুযোর্ গুরিবাত্তে যর্?
লগেপ্রভুই মর্ পহ্র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।
লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্জ্যরে দরর্? তারা দঅ মুরি যেবাক্। মান্জ্যর্ পুয়োগুনে ঘাস ধোক্ক্যেন কানক্কন্যে।
“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।
এ মানুচ্চুনো ইধু মুই তরে পিদোলর্ এক্কো দরমর দেবাল ধোক্ক্যেন গুরিম; তারা তঅ বিরুদ্ধে যুদ্ধো গুরিবাক মাত্তর্ তরে ওদেই দি ন-পারিবাক্, কিত্তে মুই লগেপ্রভু কঙর্, তরে উদ্ধোর গুরিবাত্তে আর বাজেবাত্তে মুই তঅ লগে লগে থেম্।
মাত্তর্ ও মান্জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।
যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।
গোজেন উগুরে তার্ বিশ্বেজত্যে তে রাজার্ রাগ্কানরে ন-দোরেইনে মিসর দেশ্চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।