২ রাজাবলী 1:13 - Chakma Bible

¹³ ইয়েন পরেন্দি রাজা আর ইক্কো সেনাপতি আর তার্‌ পঞ্চাশজন সৈন্যরে পাধেই দিলো। এ তিন লম্বর সেনাপতিবো উগুরে উদিনে এলিয়ো মুজুঙোত্‌ মাঢা নিগিরিনে কোজোলী গুরি কলঅ, “ও গোজেন মানুচ্‌, তুই দোয়্যে গুরি আমা পঞ্চাশজন চাগর পরাণানি রোক্ষ্যে গর্‌।

২ রাজাবলী 1:13 ပူးပေါင်းရင်းမြစ်များ

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

২ রাজাবলী 1:12

জোবত্‌ এলিয় কলঅ, “মুই যুনি গোজেন মানুচ্‌ অং সালে আগাজত্তুন্‌ লামি এইনে যেনে তরে আহ্ তঅ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ গোজেন আগুনান্‌ পুড়িনে তারে আর তাহ্ পঞ্চাশজন সৈন্যরে পুড়ি ফেলেল।

২ রাজাবলী 1:14

চাহ্, আগাজত্তুন্‌ আগুন পড়িনে পত্তম্‌ দ্বিজন সেনাপতি আর তারার্‌ বেক্‌ সৈন্যগুন পুড়ি গেলাক্। মাত্তর্‌ এবেরা তুই মঅ পরাণান্‌ রোক্ষ্যে গর্‌।”

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 72:14

অত্যেচার আর আক্রমণ আঢত্তুন্ তে তারার পরাণানি রোক্ক্যে গুরিবো; তা চোগেন্দি তারার লুওর দাম বোউত্।

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

গম্ উপদেজ্ 27:22

বাজে-বিবেক্ মান্‌‌‌‌জ্যরে যুনিয়ো শোজ্যলোই হামানদিস্তালোই গুড়ি গরা অয়, তো তার ভুলানে তারে ছাড়ি ন-যেবঅ।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যাকোব 4:7

ইয়েনত্যে গোজেনর্ অধীনোত্ থাগঅ। শদান বিরুদ্ধে দরমর গুরি থাগঅ, সালে তে তমাত্তুন্ ধেই যেবঅ।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”