২ রাজাবলী 1:11 - Chakma Bible

¹¹ এ কধাগান শুনিনে রাজা আর ইক্কো সেনাপতি আর তার্‌ পঞ্চাশজন সৈন্যরে এলিয়ো ইদু পাধেই দিলো। সে সেনাপতিবো এলিয়রে কলঅ, “ও গোজেন মানুচ্‌, রাজা তরে ইক্কিনে লামি এবাত্তে কোইয়্যে।”

২ রাজাবলী 1:11 ပူးပေါင်းရင်းမြစ်များ

২ রাজাবলী 1:10

জোবত্‌ এলিয় সে সেনাপতিবোরে কলঅ, “মুই যুনি গোজেন মানুচ্‌ অং সালে আগাজত্তুন্‌ আগুন্‌ লামি এইনে যেনে তরে আর তর্‌ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ আগুন্‌ পড়িনে সে সেনাপতি আর তার পঞ্চাশজন সৈন্যরে পুড়ি ফেলেল।

২ রাজাবলী 1:12

জোবত্‌ এলিয় কলঅ, “মুই যুনি গোজেন মানুচ্‌ অং সালে আগাজত্তুন্‌ লামি এইনে যেনে তরে আহ্ তঅ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ গোজেন আগুনান্‌ পুড়িনে তারে আর তাহ্ পঞ্চাশজন সৈন্যরে পুড়ি ফেলেল।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

গণাণা 16:41

সে পরেদি দিন্নোত্‌ ইস্রায়েলীয় সমাজর্‌ বেক্কুনে মোশি আর হারোণর বিপক্ষে বক্‌বক্‌ গরা দোজ্যন্‌ আর কলাক্, “তুমিই লগেপ্রভুর মানুচ্চুনোরে মারে ফেল্ল্য।”

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

১ শমূয়েল 6:9

মাত্তর্‌ খিয়েল্‌ রাগেবা, সুন্দুক্কো যুনি নিজোর দেজছানর পথ্‌তান্‌ ধুরিনে বৈৎ-শেমশত্‌ যায় সালে বুঝিবাদে, আমা উগুরে এই জদবদে অমংলান লগেপ্রভুই আন্যে। মাত্তর্‌ যুনি সেই পদেন্দি ন-যায় সালে আমি বুঝি পারিবোঙে, আমা উগুরে এই আঘাত্তান্‌ তা আঢত্তুন ন-এজে, এম্‌নেই সিয়েন আমা উগুরে এচ্চ্যে।”