২ রাজাবলী 1:10 - Chakma Bible

¹⁰ জোবত্‌ এলিয় সে সেনাপতিবোরে কলঅ, “মুই যুনি গোজেন মানুচ্‌ অং সালে আগাজত্তুন্‌ আগুন্‌ লামি এইনে যেনে তরে আর তর্‌ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ আগুন্‌ পড়িনে সে সেনাপতি আর তার পঞ্চাশজন সৈন্যরে পুড়ি ফেলেল।

২ রাজাবলী 1:10 ပူးပေါင်းရင်းမြစ်များ

১ রাজাবলী 22:28

সেক্কে মীখায় কলঅ, “যুনি তুই হামাক্কাই দোলেডালে ফিরি এজস্‌ সালে হ্‌বর পেবে লগেপ্রভু মঅ মাধ্যমে কধা ন-কয়।” সে পরেন্দি তে আরঅ কলঅ, “তুমি বেক্কুনে মঅ কধাগান্‌ শুনো।”

২ রাজাবলী 1:11

এ কধাগান শুনিনে রাজা আর ইক্কো সেনাপতি আর তার্‌ পঞ্চাশজন সৈন্যরে এলিয়ো ইদু পাধেই দিলো। সে সেনাপতিবো এলিয়রে কলঅ, “ও গোজেন মানুচ্‌, রাজা তরে ইক্কিনে লামি এবাত্তে কোইয়্যে।”

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

ইয়োব 1:16

মানুচ্চো সেক্কেয়ো কধা কর্‌ এন সময়োত্‌ আর এক্কো এইনে হবর্‌ দিলো, “আগাজত্তুন্‌ গোজেনর আগুন পড়িনে তঅ‌ ভেড়াপালুনোরে আর চাগরুনোরে পুড়ি ফেলেয়্যে। তরে হবর্‌ দিবাত্তে বানা মুই রোক্ষ্যে পেইয়োং।”

গীতসংহিতা 105:15

কদঅ, “মর্ অভিষেগ্ গোজ্যে মানুচ্চুনোরে ন-ধুরিবা; মঅ ভাববাদিগুনোরে কনঅ খেতি ন-গুরিবা।”

গীতসংহিতা 106:18

তারা দল ভিদিরে আগুন জুলি উদিলো; আগুনো জিলানে পাজি মানুচ্চুনোরে পুড়ি ফেলেল।

দানিয়েল 3:22

রাজার কড়া উগুম যাদিমাদি পালেবার কারনে আর চুলোবো বেশ্ গরম অনার্ কারনে যে মানুচ্চুনে শদ্রক, মৈশক আর অবেদ্-নগোরে চুলোত্ ফেলেবাত্তে নেযেয়োন তারা নিজে আগুনো জিলোত্ পুড়িনে মুরিলাক্।

দানিয়েল 3:25

তে কলঅ, “মাত্তর্ মুই চের্‌‌‌‌‌‌‌‌‌‌‌‌‌‌জন মান্‌জ্যরে আগুনো সংমোধ্যে ঘুরি বেড়াদে দেখ্যং। তারা বান্যে অবস্থায় নেই আর তারার্ কনঅ খেতিও ন-অয়, আর চের্ লম্বর্ মানুচ্চোরে রিনি চাদে দেবেদা ধোক্ক্যেন লাগের্।”

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

লেবীয় 10:2

ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

মথি লেখ্যে গম্ হবর্ 21:41

সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

লূকে লেখ্যে গম্ হবর্ 9:54

সিয়েন্ দেগিনে তা শিচ্চ্য যাকোব আর যোহনে কলাক্, “প্রভু, তুই কি চাজ্ যে, এলিয় ধোক্ক্যেন্ আমি ইগুনোরে ভস্ত গুরিবাত্তে স্বর্গত্তুন্ আগুন লামি এবাত্তে কবং?”

প্রেরিত্‌ 12:19

হেরোদে অমকদ গমেদালে তারে তোগেল, মাত্তর্ তারে ন-পেইনে চুগিদারুনোরে জেরা গুরিলো আর যেরেদি সেই চুগিদারুনোরে মারে ফেলেবার উগুম দিলো। ইয়েনর্ পরেদি হেরোদে যিহূদিয়াত্তুন্ কৈসরিয়াত্ গেলঅ আর সিধু কয়েক্ দিন থেলঅ।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

ফগদাং পেইয়্যে 11:5

কেঅ যুনি তারারে ক্ষোতি গুরিবাত্যে চায় সালে তারার্ মুয়োত্তুন্ আগুন নিগিলিনে সেই শত্রুগুনোরে পুড়ি ফেলেবাক্। যে কেঅ তারারে ক্ষোতি গুরিবাত্যে চেবাক্ তারাত্তুন্ এবাবোত্যেগুরি মরা পড়িবো।