২ যোহন 1:5 - Chakma Bible

⁵ আমি যেন একজন আরেকজনরে কোচ্‌পেই, ইয়েনই অলঅ তইধু মর্ কোজোলি। কোচ্‌পেইয়্যে বোন্নো, মুই যিয়েন লেগঙর্ সিয়েন কনঅ নুয়ো উগুম নয়, বরং এ উগুমান আমি পৌইল্যাত্তুন্ ধুরি পেইয়্যেই।

২ যোহন 1:5 ပူးပေါင်းရင်းမြစ်များ

যোহন 15:12

মঅ উগুমান্ ইয়েন, মুই যেবাবোত্যেগুরি তমারে কোচ্‌পেইয়োং, সেবাবোত্যেগুরি তুমিয়ো একজন আরেক জনরে কোচ্‌পেইয়ো।

যোহন 15:17

এ উগুমান্ মুই তমারে দোঙত্তে যেন, তুমি একজন আরেক জনরে কোচ্‌পঅ।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ থিষলনীকীয় 4:9

ভেইয়ো উগুরে ভেইয়োর্ কোচ্‌পানা পৌইদ্যেনে তমা ইধু কিজু লিগিবার দরকার নেই, কিয়া গোজেনে তমারে একজন আরেকজনরে কোচ্‌পেবাত্যে শিগেয়্যে।

ইব্রীয় 13:1

তুমি একজন আরেক জনরে ভেইয়ো ধোক্ক্যেন কোচ্‌পেইয়ো।

১ পিতর 4:8

আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

২ পিতর 1:7

ভোক্তি সমারে ভেইয়োরে কোচ্‌পানা আর সেই কোচ্‌পানার সমারে আরঅ গভীন্ কোচ্‌পানার মনভাব মিজো।

১ যোহন 3:11

যে কধাগান তুমি পত্তমত্তুন্ ধুরি শুনি এজর্ সিয়েন এবাবোত্যে-আমার একজন আরেকজনরে কোচ্‌পানা উচিত।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।