২ যোহন 1:12 - Chakma Bible

¹² যুনিয়ো তমা ইধু মর্ ভালোক্কানি কধা লিগিবার্ এলঅ তো কাগোজ্ আর কালিলোই সিয়েনি লিগিবাত্যে ন-চাং। তাত্তুন্ মুই তমা ইধু যেইনে মুজুঙোমুজুঙি ওইনে কধা কবার্ আজা গরং, যেন আমার হুজিগান ভুরি যায়।

২ যোহন 1:12 ပူးပေါင်းရင်းမြစ်များ

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

যোহন 16:12

তমা ইধু আরঅ বোউত্ কধা মর্ কবার্ আঘে, মাত্তর্ ইক্কিনে তুমি সিয়েনি সোজ্য গুরি ন-পারিবা।

যোহন 16:24

এজঅ সং তুমি মঅ নাঙে কিচ্চু ন-মাগঅ। মাগঅ, তুমি পেবা যেন তমা হুজীগান্ পুরোপুরি অয়।

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

ফিলীমন 1:22

আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

ইব্রীয় 13:19

মাত্তর্ মুই তমারে বিশেষ গুরি তবনা গুরিবাত্যে কোজোলি গরঙর্, যেন মুই আরঅ যাদিমাদি তমা সমারে এগত্তর্ ওই পারং।

ইব্রীয় 13:23

মুই তমারে জানেবাত্যে চাং, আমার্ ভেই তীমথিয় ছড়ান্ পেয়্যে। তে যুনি যাদিমাদি এজে সালে তারে সমারে লোইনে তমারে চেবাত্যে য়েম্।

১ যোহন 1:4

আমার হুজিগান যেনে ভর্‌‍পুনোং অয় সেনত্যে আমি ইয়েনি লিগির্।

৩ যোহন 1:10

সেনত্যে তে যিয়েনি গরের্ মুই এযানার্ পরেদি সিয়েনি বেক্কুনোরে জানেম। তে আমা বিরুদ্ধে ইংসে গুরিনে বোউত্ মিজে কধা কোইয়্যে। সিয়েনিলোইও সুগি ন-ওইনে তে নিজেয়ো ভেইয়ুনোরে মানি ন-লয় আর যিগুনে তারারে মানি লবাত্যে চাদন্ তারারেয়ো মানা গরের্ আহ্ মন্ডলীত্তুন্ নিগিলেই দের্।