২ করিন্হীয় 9:8 - Chakma Bible

⁸ তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

২ করিন্হীয় 9:8 ပူးပေါင်းရင်းမြစ်များ

২ বংশধর 25:9

সেক্কে অমৎসিয় গোজেন মানুচ্চোরে কলঅ, “এই ইস্রায়েলীয় সৈন্যগুনোত্তে মুই যে তিন আজার নয়শঅ কেজি রূবো দুয়োং সিয়েনির্‌ কি অবঅ?” জোবত্‌ গোজেনর মানুচ্চো কলঅ, “গোজেনে তরে তাত্তুন্‌অ বেশ্‌ দি পারে।”

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

গম্ উপদেজ্ 11:24

যে কনজনে গম্ মনে দান গরে তে আরঅ বেশ্ পায়; আরঅ যে কনজনে যগাজ্যেগুরি খরচ্ গুরিবাত্তে অস্বিগের্ গরে তে অভাবত্ পড়ে।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

হগয় 2:8

রূবোনিয়ো মর্, সনানিয়ো মর্।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 13:3

কিয়া খ্রীষ্ট যে আমা মাধ্যমে কধা কর্ সিয়েনর্ প্রমাণ তুমি চর্। তে তমা পৌইদ্যেনে মন্‌মরা নয়, বরং তার খেমতাগান্ তে তমা ইধু দেগায়।

২ করিন্হীয় 8:19

এ মন্ডলীগুনে বানা যে তারে নাঙ্ গিন্নোন্ সিয়েন নয়, আমা সমারে এ দানুন্ নেযেবাত্যে মন্ডলীগুনে তারে বেঈঅ লোইয়োন। প্রভুরে বাঈনী গুরিবাত্যে আর অন্যগুনোরে সাহায্য গরানার্ কামত্ আওজ্ দেগেবাত্যে আমি এ দানুন্ নেযেবার্ বেবস্থা গুরির্।

২ করিন্হীয় 8:2

বোউত্ দুঘোত্ তারার্ জদবদে পোরোক্ষ্যে চোল্ল্যে আর যুনিয়ো তারা অমকদ নাঢা মানুচ্ এলাক্, তো তারার্ মনত্ এদক হুজী এলঅ যে, তারা খুলো আঢে দান গোজ্জ্যন্।

২ করিন্হীয় 8:7

বেক্কানি, অত্তাৎ বিশ্বেজ্, গোজেন পৌইদ্যেনে কবার্ খেমতা, জ্ঞান, আওজ্ আর আমা উগুরে কোচ্‌পানা যেবাবোত্যে তমার্ জদবদে আঘে ঠিগ্ সেবাবোত্যে দান গুরিবার্ গুণ্অ যেন তমার্ পেলেং বেঈ পড়ে।

২ করিন্হীয় 9:11

তুমি বেক্কানিন্দি থাগোয়্যে অবা যাতে তুমি খুলো আঢে দান গুরি পারঅ, আর সিয়েন্দোই আমা মাধ্যমে গোজেনরে ভালেদি জানা অবঅ।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

ফিলিপীয় 4:11

মর্ কনঅ অভাবত্যে যে মুই এ কধাগান্ কঙর্ সিয়েন নয়, কিয়া যে কনঅ অবস্থায় মুই হুজী থেবার্ শিক্ক্যং।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

২ তীমথিয় 2:21

যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।