২ করিন্হীয় 9:7 - Chakma Bible

⁷ পত্তিজনে মনে মনে যিয়েন থিক্ গুরি থোইয়্যে তে যেন্‌ সিয়েন দে। কেঅ যেন মনত্ দুঘে ন-দে, কিয়া যে হুজি মনে দে গোজেনে তারে কোচ্‌পায়।

২ করিন্হীয় 9:7 ပူးပေါင်းရင်းမြစ်များ

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

১ বংশধর 29:9

তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

যাত্রা 25:2

ইস্রায়েলীয়গুনোরে কগোই‌ যেনে তারা মত্তেই ভোক্তি-উপোহার্‌ আনন্‌। নিজোর আওজে‌ যিগুনে সিয়েন আনিবাক্‌ তুই তারাত্তুন্‌ সিয়েনি গুজি লবে।

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 22:9

যে দানবলা মানুচ্চো তা হানা ভাগত্তুন্ নাঢা মানচ্চুনোরে দে তে বর্ পেবঅ।

যিশাইয় 32:5

চিগোন মন মানুচ্চনোরে আর কুয়ো ন-অবঅ গম্ মানুচ্, বা সতানুনোরেয়ো আর কুয়ো ন-অবঅ সর্মানি মানুচ্,

যিশাইয় 32:8

মাত্তর্ গম্ মান্‌জ্যে গম্ পরিকল্পনা গরন্ আর তার গম্ কামানিলোই তে থির্ থায়।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

দ্বি’লম্বর বিররণ 15:14

তুমি তারে খুলো মন্দোই তমা পালত্তুন ছাগল আর ভেড়া, খামারত্তুন শোজ্য আর আংগুর মারেদে জাগাত্তুন্‌ আংগুরো-রস দিবা। তমার গোজেন লগেপ্রভু তমারে যে ইজেবে আশিদ্‌বাদ গোজ্যে তুমিয়ো সে ইজেবে তারে দিবা।

ফিলীমন 1:14

মাত্তর্ তর উগুম ছাড়া মুই কিচ্চু গুরিবাত্যে ন-চাং, যেনে জোর্ গুরিনে তর্ দোয়্যেগান উজোল্ গরা ন-পরে, বরং তুই যেন নিজোত্তুন্ দোয়্যে গরচ্।

যাকোব 5:9

ভেইলগ্, গোজেনে যেন তমারে দুষ্ ন-ধরে ইয়েনত্যে তুমি একজন আরেকজনরে দুষ ন-দুয়ো। চঅ, বিচের গুরিয়্যেবো দোরান কায়কুরে লুম্মেগি।

১ পিতর 4:9

কনঅ বাবোত্যে কাঙেলেত্যে ন-পেইনে তুমি একজন আরেকজনরে গর্বা ইজেবে মানি লঅ।