২ করিন্হীয় 8:7 - Chakma Bible

⁷ বেক্কানি, অত্তাৎ বিশ্বেজ্, গোজেন পৌইদ্যেনে কবার্ খেমতা, জ্ঞান, আওজ্ আর আমা উগুরে কোচ্‌পানা যেবাবোত্যে তমার্ জদবদে আঘে ঠিগ্ সেবাবোত্যে দান গুরিবার্ গুণ্অ যেন তমার্ পেলেং বেঈ পড়ে।

২ করিন্হীয় 8:7 ပူးပေါင်းရင်းမြစ်များ

মথি লেখ্যে গম্ হবর্ 25:22

সে পরেদি যে দ্বি আজার্ দীনার্ লোইয়্যে তে এইনে কলঅ, তুই মরে দ্বি আজার্ দীনার্ দুয়োচ্, চাহ্, মুই আরঅ দ্বি আজার্ দীনার্ লাভ্ গোজ্যং।

রোমীয় 15:14

মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

১ করিন্হীয় 1:5

সেই দোয়্যেগান্ ইয়েন, তুমি খ্রীষ্ট সমারে মিজেইনে বেক্কানিত্তুন্, অত্তাৎ বেক্কানি কবার্ খেমতা আর জ্ঞানদি বাড়ি উত্ত্য,

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 13:8

এ কোচ্‌পানাগান্ কনদিন্অ থুম্ ন-অয়। ভাববাদী ইজেবে কধা কবার্ যে খেমতাগান্ আঘে সিয়েন থুম্ ওই যেবঅ; নানান্ ভাষায় কধা কবার্ যে খেমতাগান্ আঘে সিয়েন যেবগোই; জ্ঞান আঘে, সিয়েন-অ থুম্ ওই যেবঅ;

১ করিন্হীয় 14:12

তমার্ বেলায়-অ এ কধাগান্ খাদে। তুমি যেক্কে পবিত্র আত্মার্ দিয়্যে দান পেবাত্যে বিশেষ গুরিনে আয়োজি অর্ সেক্কে যে যে দান্‌দোই মন্ডলীরে গড়েই তুলো যায় সিগুন্ বেশ্ গুরি পেবার চেষ্টা গরঅ।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

২ করিন্হীয় 7:7

বানা সিয়েন নয়, তীতে নিজে তমা মাধ্যমে সান্তনা পেইয়্যে বিলিনে আমিয়ো সান্তনা পেইয়্যেই। তমার্ আওজ্ আর দুঘোর্ কধানি তে আমারে কোইয়্যে আর জানেয়্যেদে যে, তুমি মত্যে খুব্ চিন্তে-ভাবনা গরর্, আর সিয়েন্দোই মুই আরঅ হুজি ওইয়োং।

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

২ করিন্হীয় 9:14

গোজেনত্তুন্ তুমি যে বোউত্ দোয়্যে পেইয়ো সিয়েনত্যে তারা পুরো মনান্দোই তমাত্যে তবনা গুরিবাক্।

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।