২ করিন্হীয় 8:3 - Chakma Bible

³ মুই তারার্ পক্ষে এ সাক্ষ্যগান্ দোঙত্তে, তারা আওজ্ গুরিনে নিজোর্ সাধ্য মজিম্, এন্‌ কি, সাধ্যর্ বারেদিয়ো দান গোজ্জ্যন্।

২ করিন্হীয় 8:3 ပူးပေါင်းရင်းမြစ်များ

১ বংশধর 29:9

তারা হুজি মনে আর খুলো আদে মন দিইনে লগেপ্রভুরে দি পারিনে হুজি অলাক্‌। রাজা দায়ূদেয়ো অমকদ হুজি ওইয়্যে।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

রোমীয় 10:2

তারা পৌইদ্যেনে মুই এ সাক্ষ্যগান্ দোঙর্, গোজেন উগুরে তারার্ অমকদ আওজ্ আঘে, মাত্তর্ কেধোক্ক্যেন্ গুরি গোজেনর্ মানি লোইয়্যে উয়ো যায় সিয়েন তারা হবর্ ন-পান্।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

গালাতীয় 4:15

মাত্তর্ ইক্কিনে নিজোরে সেই বর্ পেইয়্যে মনে গুরিবার ভাব্‌পান তমার কুধু গেলঅ? মুই তমা পৌইদ্যেনে এ সাক্ষ্যগান দি পারং যে, সম্ভব অলে সেক্কে তুমি তমার চোগ্‌কুন তুলি লোইনে মরে দিদা।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

কলসীয় 4:13

ইপাফ্রা পৌইদ্যেনে মুই ইয়েন কোই পারংগে, তমাত্যে আর যিগুনে লায়দিকেয়া আর হিয়রাপলি শঅরত্ আঘন তারাত্যে তে অমকদ কাম্ গরে।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।

ফিলীমন 1:14

মাত্তর্ তর উগুম ছাড়া মুই কিচ্চু গুরিবাত্যে ন-চাং, যেনে জোর্ গুরিনে তর্ দোয়্যেগান উজোল্ গরা ন-পরে, বরং তুই যেন নিজোত্তুন্ দোয়্যে গরচ্।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;