২ করিন্হীয় 8:2 - Chakma Bible

² বোউত্ দুঘোত্ তারার্ জদবদে পোরোক্ষ্যে চোল্ল্যে আর যুনিয়ো তারা অমকদ নাঢা মানুচ্ এলাক্, তো তারার্ মনত্ এদক হুজী এলঅ যে, তারা খুলো আঢে দান গোজ্জ্যন্।

২ করিন্হীয় 8:2 ပူးပေါင်းရင်းမြစ်များ

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ করিন্হীয় 9:11

তুমি বেক্কানিন্দি থাগোয়্যে অবা যাতে তুমি খুলো আঢে দান গুরি পারঅ, আর সিয়েন্দোই আমা মাধ্যমে গোজেনরে ভালেদি জানা অবঅ।

২ করিন্হীয় 9:13

তুমি যে বিশ্বেজি, তমার্ এই দান্ গরানাগানে সিয়েন প্রমাণ গুরিবো, আর সিয়েন দেগিনে তারা গোজেনরে বাঈনী গুরিবাক্, কিয়া তুমি খ্রীষ্ট পৌইদ্যেনে গম্ হবরান্ বিশ্বেজ্ গুরিনে তার্ বাধ্য ওইয়ো আর তুমি খুলো আঢে তারারে আর অন্য বেক্কুনোরে দান গোজ্জ্য।

দ্বি’লম্বর বিররণ 15:4

যুনি তুমি পুরোপুরি গুরিনে তমার গোজেন লগেপ্রভুর কধালোই বাধ্য থাগ আর এচ্চ্যে মুই তমারে যেদক্কানি উগুম দুয়োঙর্‌ সিয়েনি মানি চলিবাত্যে মন দুয়ো, সালে হামাক্কায় তমা ভিদিরেত্তুন কনজনে নাঢা থেবার কধা নয়, কিত্যে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার সিয়েনত্‌ তে তমারে বোউত্‌ আশিদবাদ গুরিবো।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।