২ করিন্হীয় 8:19 - Chakma Bible

¹⁹ এ মন্ডলীগুনে বানা যে তারে নাঙ্ গিন্নোন্ সিয়েন নয়, আমা সমারে এ দানুন্ নেযেবাত্যে মন্ডলীগুনে তারে বেঈঅ লোইয়োন। প্রভুরে বাঈনী গুরিবাত্যে আর অন্যগুনোরে সাহায্য গরানার্ কামত্ আওজ্ দেগেবাত্যে আমি এ দানুন্ নেযেবার্ বেবস্থা গুরির্।

২ করিন্হীয় 8:19 ပူးပေါင်းရင်းမြစ်များ

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:25

ইয়েনত্যে আমি বেক্কুনে একমত ওইনে কয়েকজনরে বেঈ লোইনে আমার কোচ্‌‌পেইয়্যে সমাজ্যে বার্ণবা আর পৌল সমারে তমা ইধু তারারে পাধেলুং।

প্রেরিত্‌ 19:22

পরেদি তে তীমথিয় আর ইরাস্ত নাঙে তার্ দ্বিজন বল্ দিয়্যেরে ম্যাসিডোনিয়াত্ পাধেই দিলো, আর ইন্দি তে আরঅ কয়েক দিন এশিয়া রেজ্যত্ থেলঅ।

প্রেরিত্‌ 19:29

আর দেগদে ন-দেগদে গোদা শঅরান্ যাগুলুগে ভুরি গেলঅ। গাইয় আর আরিষ্টার্খ নাঙে ম্যাসিডোনিয়ার যে দ্বিজন মানুচ্‌ সেক্কে পৌল সমারে যাদন্ মানুচ্চুনে তারারে ধুরিলাক্ আর বেক্কুনে একসমারে তেম্মাঙত্ গেলাক্।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

রোমীয় 5:3

বানা সিয়েন্ নয়, দুঘ্-কষ্ট পেলেয়ো আমি হুজী ওর্, কিয়া আমি কোই পারিই দুঘ্-কষ্টর্ ফল ধৈয্য,

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

২ করিন্হীয় 8:11

ইক্কিনে সেই কামান্ থুম্ গরঅ। তুমি যে আওজ্ নিইনে সেই কামানি গুরিবাত্যে আওজ্ গোজ্জ্য সেই একই আওজ্‌‌সোই তমার্ সাধ্যমজিম সিয়েন থুম্ গরঅ।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

২ করিন্হীয় 8:20

এ বিরাট দানুন্ বিলি গরানা পৌইদ্যেনে কেঅ যেন আমা বিরুদ্ধে কিচ্চু কোই ন-পারন্ সেনত্যে আমি এ ভেইবোরেয়ো পাদের্।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।