২ করিন্হীয় 8:18 - Chakma Bible

¹⁸ তীত সমারে আমি আর এক ভেইয়োরেয়ো পাদের্। যীশু খ্রীষ্ট পৌইদ্যেনে গম্ হবর্ ফগদাঙর্ কামত্ বেক্‌ মন্ডলীগুনে এ ভেইবোরে নাঙ্ গিনি থান্।

২ করিন্হীয় 8:18 ပူးပေါင်းရင်းမြစ်များ

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

১ করিন্হীয় 16:3

মুই যেক্কে তমা ইধু এম্ সেক্কে তমার্ সেই দানুন্ যিরূশালেমত্ নেযেবাত্যে তুমি যিগুনোরে যোগাজ্যে মনে গুরিবা, মুই চিধি দিইনে তারারে পাধেই দিম্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 7:17

সেনত্তে, প্রভু যিবেরে যে অবস্থায় থোইয়্যে আর গোজেনে যিবেরে যিয়েনত্তে ডাক্ক্যে, সেই মজিম তে চোলোক্। এ উগুমান মুই বেক্ মন্ডলীগুনোত্ দি থাং। কনঅ চুনু মাঢা কাবা মান্‌জ্যরে কি ডাগা ওইয়্যে? মাত্তর্ সে চুনু মাঢা কাবা চিহ্নোগান্ পুজি ন-ফেলোক্।

২ করিন্হীয় 12:18

মুই তীতরে যেবাত্যে কোজোলি গোজ্জ্যং, আর তা সমারে সেই ভেইবোরেয়ো পাধেয়োং। তীতে কি তমারে থোগেয়্যে? কনদিন্অ নয়! মুই আর তীতে কি একই মনভাব্‌পোই একই কাম ন-গুরিই?

২ করিন্হীয় 2:12

মুই ত্রোয়া শঅরত্ খ্রীষ্ট পৌইদ্যেনে গম্ হবর্ প্রচার গুরিবাত্যে যেইনে দেগিলুং, সিধু কাম্ গুরিবাত্যে প্রভু মরে এক্কো জু গুরি দিয়্যে।

২ করিন্হীয় 8:19

এ মন্ডলীগুনে বানা যে তারে নাঙ্ গিন্নোন্ সিয়েন নয়, আমা সমারে এ দানুন্ নেযেবাত্যে মন্ডলীগুনে তারে বেঈঅ লোইয়োন। প্রভুরে বাঈনী গুরিবাত্যে আর অন্যগুনোরে সাহায্য গরানার্ কামত্ আওজ্ দেগেবাত্যে আমি এ দানুন্ নেযেবার্ বেবস্থা গুরির্।