২ করিন্হীয় 7:6 - Chakma Bible

⁶ মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 7:6 ပူးပေါင်းရင်းမြစ်များ

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

মথি লেখ্যে গম্ হবর্ 5:4

যিগুনে দুঘ্ গরন্ তারা বর্‍‍‍পেইয়্যে, কিয়া তারা সান্ত্বনা পেবাক্।

যোহন 14:16

মুই বাবা ইধু মাগিম্, আর তে তমা ইধু চিরকাল্ থেবাত্যে আর এক্কো বল্ দিয়্যেরে পাধেই দিবো।

রোমীয় 15:5

খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

২ করিন্হীয় 7:7

বানা সিয়েন নয়, তীতে নিজে তমা মাধ্যমে সান্তনা পেইয়্যে বিলিনে আমিয়ো সান্তনা পেইয়্যেই। তমার্ আওজ্ আর দুঘোর্ কধানি তে আমারে কোইয়্যে আর জানেয়্যেদে যে, তুমি মত্যে খুব্ চিন্তে-ভাবনা গরর্, আর সিয়েন্দোই মুই আরঅ হুজি ওইয়োং।

ফিলিপীয় 2:1

সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,