২ করিন্হীয় 7:3 - Chakma Bible

³ খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

২ করিন্হীয় 7:3 ပူးပေါင်းရင်းမြစ်များ

২ করিন্হীয় 11:11

কিত্যে মুই এ কধাগান্ কঙর্? তমারে কোচ্‌ ন-পাং বিলিনে না কি? গোজেনে কোই পারেদে যে, মুই তমারে কোচ্‌পাং।

২ করিন্হীয় 12:15

মুই অমকদ হুজি ওইনে তমাত্যে বেক্কানি খরচ্ গুরিম আর নিজোরেয়ো দি দিম্। যুনি মুই তমারে বেশ্ কোচ্‌পাং সালে কি তুমি মরে কম্ কোচ্‌পেবা?

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

২ করিন্হীয় 3:2

আমা রিবেঙ ভিদিরে লেগা তুমি দঅ আমার চিধি। সেই চিধির্ কধা বেক্কুনে কোই পারন্ আর বেক্কুনে সিয়েন পোজ্জ্যন্।

২ করিন্হীয় 7:12

মুই সেই চিধিয়ান লেক্ক্যং সত্য, মাত্তর্ যে অন্যেয় গোজ্জ্যে বা যিবে উগুরে অন্যেয় গরা ওইয়্যে তাত্যে ন-লেগং, বরং লেক্ক্যংগে যেন গোজেন মুজুঙোত্ তমা ইধু ফগদাং অয় যে, তুমি ঘেচ্চ্যেকগুরি আমারে কোচ্‌পঅ।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

১ থিষলনীকীয় 2:8

তমা উগুরে গভীন মেয়্যে-মমতা থানায় তমারে বানা গোজেনর্ গম হবর্ দিবাত্যে নয়, তমাত্যে নিজো পরাণান্অ দিবাত্যে আমি রাজী এলং, কিয়া আমা ইধু তুমি ভারী পরাণর্।