২ করিন্হীয় 7:15 - Chakma Bible

¹⁵ তুমি বেক্কুনে যেধোক্ক্যেন গুরি দর্ আর সর্মান সমারে তারে মানি লোইনে বাধ্যতা দেগেয়ো, সিয়েন মনে গুরিনে তমা উগুরে তার্ কোচ্‌পানা আরঅ বাড়ি যেইয়্যে।

২ করিন্হীয় 7:15 ပူးပေါင်းရင်းမြစ်များ

পত্থম 43:30

ভেইবোরে দেগিনে যোষেফ মনান্‌ অমকদ চিৎপুরি উদিলো। তে এক্কান্‌ কানিবার্‌ জাগা তোগেবাত্তে যাদিমাদি সিয়োত্তুন্‌ নিগিলি গেলঅ আর নিজো গুদিত্‌ সুমিনে কানা ধুরিলো।

১ রাজাবলী 3:26

যিবের্‌ পূঅবো বাঁজি এলঅ পূঅবোত্তে সেই মিলেবোর মনান্‌ ওলোজোলো অনায় তে রাজারে কলঅ, “ও মর্‌ গিরোজ্‌, কোজোলি গরং, তারেই তুই জেদা পূঅবোরে দি দে; পূঅবোরে মারে ন-ফেলেচ্‌।” মাত্তর্‌ অন্য মিলেবো কলঅ, “ও তর্‌অ ন-ওক্‌ আর মর্‌অ ন-ওক্‌। তারে কাবিনে দ্বিকট্টা গর্‌।”

ইষ্রা 10:9

তিন দিনো ভিদিরে যিহূদা আর বিন্যামীন চাগালার্ বেক্ মানুচ্চুনে যিরূশালেমত্ এগত্তর্ অলাক্। নয় মাজত্ কুড়ি দিনোর্ দিন্নোত্ বেক মানুচ্চুনে গোজেনর্ ঘর মুজুঙো চক্করবোত্ বোইনে সে বেপারানত্যে আর অমকদ ঝড়ানত্যে গির্‌‌‌‌গিরাদন্।

ইষ্রা 9:4

বন্দীদযাত্তুন্ ফিরি এচ্চ্যে এ মানুচ্চুনোর অবিশ্বেজর্ বেপারে যিগুনে ইস্রায়েলর্ গোজেনর্ কধানি ইদোত্ তুলিনে গির্‌গিরে উদিলাক্ তারা পত্তিজনে মইদু এইনে এগত্তর্ অলাক্। সাজোন্যে অক্তত্ উৎসর্বর সময়ো সং মুই সিয়েনত্ আমক্ ওইনে বোই রলুং।

ইয়োব 21:6

এ কধানি মনত্‌ তুলিলে মুই দরাং; মঅ কিয়্যেত্‌ গির্‌গিরেনি উদে।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 2:11

ভোক্তি গুরিনে তুমি লগেপ্রভুর সেবা গরঅ, দর্‌বুগ্ লাক্ক্যে মনানিলোই ফুত্তি গরঅ,

পরমগীত 5:4

দোরান্ ফুদো গুরিনে মর্ পরাণ্যে তা আঢ্‌‌তান ভোরেল, মঅ মনান্ তাত্তে উগুদো জাবুদো অলঅ।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

হোশেয় 13:1

ইফ্রয়িমে কধা কলে মান্‌‌‌‌জ্যে গির্‌‌‌‌গিরান; ইস্রায়েল গুট্টিগুনো ভিদিরে তে দাঙর্ ওইয়্যে। মাত্তর্ বাল দেবেদা পূজো গুরিবার দুষে দুষি ওইনে তে মোজ্যে।

যোহন 16:21

পুয়ো ফুদেবার্ অক্তত্ মিলেগুনে দুঘ্ পান্, কিয়া তা অক্তবো ওইয়্যেগি। মাত্তর্ পুয়ো ফুদেবার্ পরেদি জগদত্ এক্কো নুয়ো মানুচ্‌ এজানায় হুজীয়ে তার্ আর সেই দুঘো কধাগান্ মনত্ ন-থায়।

প্রেরিত্‌ 16:29

সেক্কে সেই জেল-চুগিদার্‌বো একজনরে চেরাগ্ আনিবার্ কধা কোইনে নিজে ধাবা ধাবা ভিদিরে গেলঅ আর দরে গির্‌গিরেদে গির্‌গিরেদে পৌল আর সীল টেঙত্ পড়িলো।

১ করিন্হীয় 2:3

যেক্কে তমা ইধু এলুং সেক্কে মুই নিজোরে বল্-নেইয়্যে মনে গত্তুং আর দরে ভারী গির্‌গিরেদুং।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

২ করিন্হীয় 6:12

আমি আমার মনানি তমাত্যে মেলি থোইয়্যেই, মাত্তর্ তুমি তমার্ মনানি আমা বিরুদ্ধে বন্ধ গুরি থোইয়ো।

ইফিষীয় 6:5

তুমি যিগুনে চাগর্, তুমি যেধোক্ক্যেন খ্রীষ্টর্ বাধ্য সেধোক্ক্যেন দর্ আর সর্মান লগে মনত্তুন্ তমার এ জগদর্ গিরোজ্‌চুনোর্ বাধ্য ওইয়ো।

ফিলিপীয় 1:8

খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?