২ করিন্হীয় 7:14 - Chakma Bible

¹⁴ মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

২ করিন্হীয় 7:14 ပူးပေါင်းရင်းမြစ်များ

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

২ করিন্হীয় 10:8

প্রভু আমারে যে অধিকারান্ দিয়্যে সেই অধিকারানর্ উদ্দেচ্চ্য অলঅ তমারে গঠন গরানা, তমারে ক্ষোতি গরানা নয়। যুনিয়ো মুই এ অধিকারান্ নিইনে কিজু বাড়্ গুরি থাং তো সিয়েনত্যে মুই লাজ্ ন-পেইম্।

২ করিন্হীয় 12:6

খালিক্ যুনি মুই দেমাগ্ গুরিবাত্যে চাং সালে বেদমা কাম্ ন-গুরিম, কিয়া মুই সত্য কধা কোম্। তো মুই দেমাগ্ ন-গুরিম, কিয়া মর্ কামানি দেগিনে বা মঅ কধানি শুনিনে মান্‌জ্যে মরে যিয়েন মনে গরন্ সিয়েনত্তুন্ বেশ্ যেন কেঅ মরে মনে ন-গরন্।

২ করিন্হীয় 2:13

মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 8:24

সেনত্যে কোই, তারা ইধু খুলোমেলা গুরি তমার্ কোচ্‌পানার্ প্রমাণ দুয়ো আর তারারে দেগেয়ো কিত্যে তমারে নিইনে আমি দেমাগ্ গুরিই, যাতে মন্ডলীগুনে সিয়েন দেগন্।

ফিলিপীয় 1:26

সেনত্যে তমা ইধু মর্ আরঅ এজানার্ কারনে তুমি খ্রীষ্ট যীশুর্ মাধ্যমে মল্লোই হুজিয়ে পেলাং বেঈ পড়িবা।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।