২ করিন্হীয় 7:13 - Chakma Bible

¹³ ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

২ করিন্হীয় 7:13 ပူးပေါင်းရင်းမြစ်များ

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

রোমীয় 15:32

সেক্কে গোজেন আয়োজে মুই হুজি মনে তমা ইধু যেই পারং আর তমা সমারে থেইনে পরাণান্ জুড়েব।

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

১ করিন্হীয় 16:18

তারা মর্ আর তমা মনত্ উচ্চোমি আন্ন্যন্। তুমি এবাবোত্যে মানুচ্চুনোরে সর্মান গোজ্জ্য।

২ করিন্হীয় 2:13

মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

২ করিন্হীয় 2:3

যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

২ করিন্হীয় 7:15

তুমি বেক্কুনে যেধোক্ক্যেন গুরি দর্ আর সর্মান সমারে তারে মানি লোইনে বাধ্যতা দেগেয়ো, সিয়েন মনে গুরিনে তমা উগুরে তার্ কোচ্‌পানা আরঅ বাড়ি যেইয়্যে।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

ফিলিপীয় 2:28

সেনত্যে ভারী আওজ্ গুরিনে মুই তারে পাধাঙর্ যেন তারে দেগিনে তুমি হুজী অ আর মর্-অ চিদেচজ্জা কমে।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

ফিলীমন 1:20

ভেই, আমি প্রভুর্ ওইয়্যেই বিলি মুই চাংগে, তুই মর্ এক্কান উপকার গর্। বিশ্বেজি ভেই ইজেবে তুই মঅ মনত্ নূয়ো উচ্চোমি জাগেই তুল্।

ফিলীমন 1:7

ভেই, তর্ কোচ্‌পানাগান দেগিনে মুই অমকদ হুজী ওইয়োং আর উচ্চোমি পেইয়োং, কিয়া তুই গোজেন মানুচ্চুনো মনত্ নূয়ো উচ্চোমি জাগেই তুল্ল্যচ্।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।