২ করিন্হীয় 6:9 - Chakma Bible

⁹ মান্‌জ্যে আমারে চিনিবাত্যে ন-চান্, মাত্তর্ বেক্কুনে আমারে চিনোন্। আমি মরেদে ধোক্ক্যেন্ ওর্, তো বাঁজি আঘিই। আমারে মার্‌‌ধোর্ গরা অর্, তো মারে ফেলা ন-অর্।

২ করিন্হীয় 6:9 ပူးပေါင်းရင်းမြစ်များ

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 25:19

বরং তারার্ ধর্ম পৌইদ্যেনে আর যীশু নাঙে এক্কো মরা মান্‌জ্য পৌইদ্যেনে তারে দুষী গুরিলাক্। পৌল নাঙে সেই মানুচ্চো দাবি গরেদে, সেই যীশু বাঁজি আঘে।

প্রেরিত্‌ 25:26

মাত্তর্ দাঙর্ সম্রাট ইধু লেগেদে ধোক্ক্যেন্ এমন্ সঠিগ্ কিজু ন-পেলুং। সেনত্তে মুই তমা বেক্কুনো মুজুঙোত্, বিশেষ গুরি রাজা আগ্রিপ্প তঅ মুজুঙোত্ তারে আন্ন্যং যাতে তারে জেরা গুরিনে কিজু অন্তত: মুই লিগি পারং;

রোমীয় 8:36

পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

১ করিন্হীয় 11:32

মাত্তর্ আমা বিচেরান যেক্কে প্রভু গরে সেক্কে তে আমারে শাসন গরে, যাতে জগদর্ বেক্কুনো সমারে আমারে দুষি বিলিনে থির্ গরা ন-অয়।

১ করিন্হীয় 15:31

ভেইলগ্, আমা প্রভু খ্রীষ্ট যীশুর্ কামত্ তমারে লোইনে মর্ যে বাড়্, সেই বাড়ান্দোই মুই ঘেচ্চেকগুরি কঙত্তে, পত্তি দিন মুই মরণর্ মুয়োমি অঙর্।

১ করিন্হীয় 4:9

মারে ফেলা অবঅ বিলি যিগুনোরে মিছিলো শেজদি রাগা অয়, মর্ মনে অয় গোজেনে আমারে, অত্তাৎ প্রচারগ্‌কুনোরে ঠিগ্ সেধোক্ক্যেন বেক্কুনো শেজত্ থোইয়্যে। আমি গোদা পিত্‌থিমীয়ান ইধু, অত্তাৎ স্বর্গদূত আর মানুচ্চুনো ইধু যেন ঠাট্টা হেইয়্যে মানুচ্ ওইয়্যেই।

২ করিন্হীয় 11:6

যুনিয়ো মুই গমেডালে কধা কোই ন-পারং তো মর্ যদেষ্ট জ্ঞান আঘে আর সিয়েন বেক্কানিন্দি তমা ইধু ফগদাং গোজ্জ্যং।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।